Сіздің 2025 жылға арналған жұлдыз жорамалыңыз
2025 жылы қайда саяхаттаған жөн? Сізді не күтеді? Жазда ма не қыста ма? Бәріне жұлдыздар жауап берсін!
Жұлдыздар мен саяхаттауды жақсы көретін жандарға арналған жұлдыз жорамал.
Суқұйғыш
Еркіндік сүйгіш суқұйғыштар өзгерістерге құмар. Бір орында отырып қалу олар үшін мүмкін емес. 2025 жылы жұлдыздар сізді Жапонияға – сырлылық пен технология ұштасқан елге шақырады. Егер Күншығыс елін бағындырып қойған болсаңыз, Қытай, Тайвань немесе Сингапурды қарастырыңыз. Айтпақшы, ақпан айында Сингапурда Cigarettes After Sex тобының концерті өтеді. Сағынышқа беріліп, некеде бақытты болсаңызда, алғашқы махаббатты еске түсіруге тамаша себеп.
Биыл сізді шынымен басыңызды айналдыратын оқиғалар күтіп тұр. Ең бастысы – ұшу кезінде, турбуленттік аймақта және қонуда мықты ұстанып, қауіпсіздік белбеуді бекіту. Батыл қадамдар жасаудан, кейде өзіңізді еркін ұстауға қорықпаңыз, бірақ ең маңыздысы – сүйікті қызғылт түсті тоныңызбен жағажайда жүрмеу үшін шабаданыңызды дұрыстап жинаңыз.
Балықтар
2025 жылы сізді үлкен өзгерістер күтіп тұр. Шашыңызды басқа түске бояп, жұмысыңызды ауыстырып, тіпті басқа елге көшіп кетуіңіз әбден мүмкін.
Егер не істегіңіз келетінін білмесеңіз, авантюризмге бой алдырып, Африкаға немесе Оңтүстік Америкаға сапар шегіп, өзіңізді Индиана Джонс сезініңіз. Немесе қыркүйек айында алғаш рет халықаралық өнер биенналесі өтетін Бухараны таңдаңыз. Кенеттен бір нәрсе істегіңіз келіп кетті ме? Сезімге қарсылық көрсетпеңіз – жұлдыздар сізді қолдайды.
Келер жылы ішкі «бұзық қызыңызды» жиі шығарып, сабақтарға, адамдарға, ішкі болжаулар секілді артық нәрселерге «жоқ» деп айтуды үйреніңіз. Тіпті сіз орта жастағы сақалды ер адам болсаңыз да. Бұл жаңа имиджді қалыптастыруға тау шаңғысы көмектесе алады: рахаттана сырғанап, тізеңізді сақтаңыз.
Тоқты
Платон «Досымның жастық шағы-ай! От еді ғой!» деген сөздерді жазғанда, тура сізді бейнелегендей болды-ау. Сіздің отыңыз кез келген жасыңызда лаулап жанып тұрады. Бұл сіздің ерекшелігіңіз де, сондай-ақ сынағыңыз да.
Жылды моншаның кереметін түсінетін жерде бастаған жөн. Мәселен, Ыстамбұл немесе Тбилиси сияқты қалалар бумен емделуді жақсы біледі. Сол арқылы ішкі жындарыңыздан арылып, жаңа өмірге жол ашыңыз.
2025 жылы сіз үшін ең бастысы – тепе-теңдікті сақтау. Спортпен шұғылданып, Sade альбомдарын тыңдап, хаосты көбейтіп, ал бақылауды азайтыңыз. Өмірге сеніңіз, өйткені ол біздің барлығымыздан да күшті.
Торпақ
Тыныштық, бейбітшілік және өзіңізбен жалғыз қалу мүмкіндігі – осының бәрі 2025 жылы торпаққа өте қажет.
Егер жүрегіңіз бос болса, өзгерістерге дайын болыңыз. Осы жыл сізге үлкен және таза махаббат сыйлауы мүмкін, белгілерге мұқият болыңыз. Ал өз жұбын тапқандарға сезімдерін жаңартуға мүмкіндік бар: Угандаға, Чилиге не Тибетке бірге саяхат жасау сіздерді әрине жақындата түседі.
Ақшаны үнемдеуді ұнататын, ебдейсек торпақтарға лоукостерлердің акцияларын бақылауға кеңес береміз, сондай-ақ біз арзан билеттерді жариялап тұратын телеграм арнамызға жазылып алыңыз. Пайдалы, тиімді және сіздің өмір салтыңызға толықтай сай келеді.
Егіздер
Сіз үйлеспес нәрселердің үйлесімісіз: инь мен янь, күн мен ай, Эдвард пен Джейкоб, Қайрат Нұртас пен Нюша. Жұлдыздардың болжамы бойынша, 2025 жыл сіз үшін жаңа шытырман оқиғалар сыйлайды.
Сізді саяхат немесе ыстық елде қыстау күтіп тұр. Таиланд па, Малайзия ма – әлі белгісіз. Бірақ егер сіздің жаныңыз керісінше салқынды қалайтын болса, викингтер мен әнші Бьорктің отаны Исландияға барыңыз. Анық білетініміз, ең арзан авиабилеттерді Aviasales.kz-тен таба аласыз.
Егер сіз көңіл көтеру кештерінен шаршасаңыз, қайта жаңарғыңыз келсе, шипажайға барып келіңіз. Иә-иә, ата-анаңызды немесе әже-әжеңізді ала барыңыз. Жағымды дүниелерді пайдалы заттармен үйлестіріңіз. Жаңа әсер алатыныңызға кепілдік береміз!
Шаян
Сіз – жұлдыз жорамалдың жаны мен жүрегісіз, оны жасырғыңыз келсе де, біз бәрін білеміз. 2025 жылы шынайы болудан қорықпаңыз, сонымен қатар жиірек өз ыңғайыңызды басқалардың күту сезімдерінен жоғары қойыңыз.
Егер шаршап жүргеніңізді сезсеңіз, күйзелістен қашып кетіңіз. Оны ұйымдастыруға Aviasales.kz сайтындағы ыстық билеттер көмектеседі. Жаңа жерге жеткенде, біздің «Ары-Бері» жол көрсеткішімізден қызықты деректерді оқып шығыңыз.
Алаңдаушылықтың ауыр жүгінен арылыңыз! Ең басты байлық – өзіңіз, соны есіңізге түсіріңіз. Келер жыл сізге өзіңізге мейірімдірек және өз армандарыңызға батыл болуға үйретеді. Сіз ең жақсысына лайық екеніңізді ұмытпаңыз.
Арыстан
2025 жыл сізге үлкен бақыт әкеледі, сізге бұдан артық болмайтындай көрінсе де. Ең бастысы – мүмкіндіктерді жіберіп алмай, TikTok-тағы тәуіптерге емес, өз ішкі дауысыңызға құлақ салыңыз.
Жұлдыздар Еуропаға баруды ұсынады. Көктем немесе жазда Билли Айлиштің концертіне бара аласыз. Немесе ата-анаңызбен бірге отбасылық сапарға аттаныңыз – сіздің ішкі балаңыз оларды шетелге апаруды ұзақ уақыттан бері армандап жүр. Сіз жақындарыңызды қуантып, туыстарыңыздың мақтауына бөлеңесіз.
Уайымды жіберіп, бес жұлдызды қонақ үй, круиз болмаса да, сәттен ләззат алуды үйреніңіз.
2025 жылы қандай концерттерге баруға болады
Бикеш
Ебдейсек және педант бикештер әрқашан өмірден не қалайтынын біледі. Тіпті жұлдыздар да сіздің 2025 жылыңыз қалай өтетінін де қысқаша айтты.
Сіздің тазалыққа деген құштарлығыңызды, сондай-ақ ауыр ойларыңызды да бос жіберіп, арылу керек. Сізді баяулатып, прагматикалық ойларды әсерлер мен эмоцияларға ауыстыруға мүмкіндік беретін көп қырлы Үндістанға барыңыз. Бастысы – тек бөтелкедегі суды ішіңіз.
Егер шетелге шығу жоспарыңызда болмаса, Алақөл немесе Балқашқа демалуға барыңыз. Немесе Алматыда Батырхан Шөкеновтің өмірі мен музыкасына арналған маршрут бойынша міндетті түрде серуендеп қайтыңыз.
Таразы
2025 жыл – өткен шақта барлық артық нәрсені, яғни қажетсіз заттардан, уытты қарым-қатынастардан және қорқынышты ойлардан арылуға өте қолайлы уақыт. Жаңа әсерлерге орын босатыңыз.
Жұлдыздар сізге Куала-Лумпур немесе Ереванды ұсынады: табиғат, көңіл көтеру кештері және атмосфералық серуендер сізді міндетті түрде шабыттандырады. Нұсқа көп және қазақстандықтар визасыз қанша елге бара алатынын білгенде таңғалатыныңызға сенімдіміз.
Егер әдемілікке жаныңыз құштар болса, наурыз айында Парижде өтетін сән апталығына барып көріңіз. Бұл сапар Еуропа бойынша саяхатқа айналуы мүмкін. Будапешт, Вена, Италия, Испания - бәрі де қолжетімді. Ең бастысы – Шенген визасын рәсімдеу ережелерін ұмытпаңыз және белгіленген маршрутты сақтаңыз.
Бұл жылы өзіңізге өзгерістерге жол беріңіз. Олар сіз күткеннен де көп нәрсе әкеледі.
Сарышаян
Сіздің жұмбақ көзқарасыңыз көпшілікті қорқытады, бірақ ішіңізде сіз – тәтті бауырсақсыз (анда-санда). 2025 жылы жұлдыздар дос-жарандарыңыздың немесе «арқасы бар» көршіңіздің кеңесіне емес, ішкі түйсігіңізге сенуге кеңес береді.
Сіздің үлкен мақсаттарыңыз сізді Шри-Ланка немесе Доминикана жағалауларына жеткізе алады. Бірақ жоспарлау кезеңінде шаршап қалмаңыз: әрбір жұмыс кезеңінен кейін өзіңізге саяхат сыйлаңыз. Егер бәрі қарбалас болса, демалысты іс-сапарлармен біріктіріңіз – тірлігіңіз де бітеді, аяқ астында құм да болады. Айтпақшы, сәнді Almaty Museum of Arts өнер музейінің ресми ашылуынан кейін көктемде немесе жазда Алматыға сапарды жоспарлап қойыңыз.
Мерген
Сіз кез келген кештің жаны, атмосфераны құтқарып, соңына дейін көңіл көтеретін киелі адамсыз. 2025 жылы әрдайым басқаларды ғана қуантуды қойып, өзіңізге де қамқор болуды ұмытпаңыз.
Өз армандарыңызды еске түсірудің уақыты келді. Мүмкін, басқа қалаға көшкіңіз келетін шығар? Әлде испан ауылында лимон жинаңығыз келе ме? Айти саласындағы мергендер үшін ақпан айында өтетін Web Summit Qatar конференциясына назар аудару керек. Кім біледі, мүмкін сол жерде сізді жаңа жұмыс беруші және доллармен төленетін жалақы күтіп тұрған шығар.
Бұл жыл сізге көптеген жаңалық сыйлайды. Сіздің мақсатыңыз – оларды жіберіп алмау. Белсенді, батыл болыңыз және бет-әлпетіңізге күтім жасауды ұмытпаңыз, өйткені өміріңізге аз ғана жарқырау қосу үшін ешқашан да кеш емес.
Тауешкі
2025 жыл сізге ақшалай табыс әкеліп, өмірде маңызды шешім қабылдауға мәжбүр етеді. Сіздің мінезіңізді білгендіктен, жұлдыздар сіз бәрін дұрыс жасайтыныңызға сенімді. Дегенмен, бірнеше кеңес артық болмас.
Қыста тау шаңғы курорттарына баруды ұмытпаңыз, ал жазда тауға шығыңыз. Алтай, Рахман қайнары немесе Мұзтау шыңына шығу сізге табиғат аясында жалғыз қалуға мүмкіндік береді. Одан алған әсер сізді ұзақ уақыт бойы қуантады. Ал өмір тек байыпты, салмақты болмауы үшін біздің мемдер мен Себс бар инстаграм парақшамызға жазылыңыз. Кейде күлкі мен өзімізді мазақтау барлығымызға жетіспейді.
