Дубайда қайда тамақтанамыз: кез келген қалтаға арналған 17 нұсқа
Үздік мейрамханалар тізімі: бағалар және туристерге арналған кеңестер.
Менің атым Аманжол, мен Астанада тұрамын және саяхаттағанды жақсы көремін. Мен үшін Дубай – бұл тек сәнді зәулім ғимараттар, жағажайлар мен шопинг қана емес, сондай-ақ араб елдердің нағыз гастрономиялық астанасы. Мұнда көше тағамдарынан бастап жоғарғы деңгейдегі астарына дейін дәмін татып көруге болады. Ал гастрономиялық әсерлер бүкіл сапарыңыздың көңіл күйін анықтай алады.
Дәмді тамақты жақсы көретіндер үшін мен жергілікті және әлемдік тағамдарды ұсынатын 17 дәмхана мен мейрамхана тізімін және қосымша ретінде таңғы ас ішуге болатын дәмханалар тізімін жасадым.
Танымал аспаздардың мейрамханалары
Дубай – әлемге әйгілі жұлдызды аспаздардың авторлық тағамдарынан дәм тату үшін тамаша орын. Мұнда бүкіл әлемге танымал шефтер өз мейрамханаларын ашады, ал әрбір тағам – олардың жылдар бойғы тәжірибе мен эксперименттердің нәтижесі.
Міндетті түрде шефтің сиыр етінен жасалған бас тағамын (Beef Wellington) тапсырыс беріңіз, ал десертке классикалық ирис пудингін (Sticky Toffee Pudding) алыңыз.
Мейрамханада шефтің фирмалық тағамдарын – стейк, сиыр етінен карпаччо, стейк тартар, сондай-ақ ерекше ет сушилерінің дәмін татып көруге болады. Ал десертке балмұздақ қосылған "алтын" пахлаваны міндетті түрде жеп көріңіз.
Туристердің айтуынша, мейрамханада бағалар тым жоғары, ал брондау жүйесі әрдайым дұрыс жұмыс істей бермейді. Сондықтан бұл жерге жұма, сенбі және жексенбі күндері келмеген жөн.
Бірақ мейрамханаға бәрібір қатты барғыңыз келсе, бірақ бюджет шектеулі болса, дүйсенбіден жұмаға дейін 12:00 - 17:00 аралығында бизнес-ланчқа келуге болады. Бар болғаны 150 дирхамға сәнді мекемеде жақсылап қарын тойдырып алып, бәлкім Нусреттің өзің кездестіріп, бірге суретке түсіп қаларсыз!
Дубайда аспаздың екі мейрамханасы бар, олардың бірі – CZN Burak, Sheikh Mohammed bin Rashid бульварында орналасқан. Мұнда міндетті түрде кебаб, пиде (түрік пиццасы) және шефтің арнайы тағамдарын, мысалы, қозы еті қосылған палаудан ауыз тиіңіз. Ал негізгі тағамнан кейін тәтті алғыңыз келсе, пахлава немесе кюнефені түрік кофесімен бірге тапсырыс беріңіз.
Кейбір тағамдардың порциялары өте үлкен, сондықтан тамақтың қанша адамға жететінін даяшыдан сұрап алыңыз. Себебі, бір порция екі адамға әбден жетуі мүмкін.
Мишлен жұлдызы бар мейрамханалар
Дубайда Мишлен жұлдызымен марапатталған 19 мейрамхана, сондай-ақ Bib Gourmand белгісі бар 18 мейрамхана бар. Аталмыш марапат ерекше тағамдарды қолжетімді бағаларға ұсынатын мекемелерге береді. Мұнда бір тағамның құны 150 дирхамнан аспайды.
Тағамдарды тізіп шығудың мәні жоқ, өйткені олардың әрқайсысы – нағыз өнер туындысы. Ең дұрысы түрлі сеттен тұратын мәзірмен танысу. Ол 7–13 тағамнан тұрады, жалпы салмағы шамамен 1,2–1,4 кг шығады. Мәзір әрбір ас өзара мінсіз үйлесетіндей етіп жасалған.
Мен кейде мишлен жұлдыздары бар мейрамханаларға барамын. Иә, оған бюджеттің едәуір бөлігі кетеді, одан қалса кейін тамаққа үнемдеуге тырысамын. Не үшін десеңіз, мұндай орындар ұмытылмас әсер қалдырады, ал олардың тағамдарының дәмі ұзақ уақыт есіңде қалады. Оған қоса, достарға айтып, өзіңнің гастрономиялық тәжірибеңмен мақтануға себеп болады.
Міндетті түрде фирмалық тіскебасарлар мен маусымдық мәзірдегі тағамдарды жеп көріңіз. Шеф жергілікті өнімдерден шабыт алып, айрықша үйлесімдермен таңғалдырады. Мейрамхананың интерьері минималистік стильде жасалған, осылайша басты назар тек тағамның дәміне аударылады.
Trèsind Studio – жаңа нәрселерді ашуға дайын және ұмытылмас кештен ләззат алғысы келетіндер үшін тамаша таңдау.
Десерт мәзірі ерекше назар аударуға тұрарлық – мұнда сіз ұмытылмас тәттілерді таңдай аласыз. Шабдалы қосылған шоколадты мусс па, әлде лимон курды қосылған жидекті бәліш пе – таңдау сіздікі! STAY – романтикалық кешкі ас немесе ерекше оқиғаны атап өту үшін мінсіз орын.
Міндетті түрде запырангүл (шафран) қосылған ризоттоны, отынпеште пісірілген қозы етін немесе балғын асшаяндар мен мидиялар қосылған жеңіл тұздықты теңіз өнімдерімен дайындалған пастаға тапсырыс беріңіз.
Шығанаққа керемет, әсем көрініс пен талғампаз интерьер кешкі асты жайлы және ерекше етеді, ал маңызды кездесулер үшін тамаша атмосфера сыйлайды.
Мишлен мейрамханаларында ас мәзірін қолжетімді бағамен сынап көрудің тиімді жолы – жұмыс күндері 12:00-ден 17:00-ге дейінгі бизнес-ланчқа бару. Мысалы, CeLaVi мейрамханасында бизнес-ланчтың бағасы адам басына 150 дирхам. Тағамнан бөлек, бұл жерден Бурдж-Халифудың керемет көрінісін тамашалауға болады.
Жергілікті ас ұсынатын мейрамханалар
Дубайда әлемнің барлық елінің тағамдары ұсынылғанымен, ұлттық араб тамақтарының ауыз тимей кетуге болмайды. Төменде классикалық рецепт бойынша дайындалған дәстүрлі араб тағамдарын ұсынатын мейрамханалар тізімі берілген.
Ресторан Radisson Blu Dubai Deira Creek қонақ үйінде орналасқан. Aseelah-дың атмосферасы жайлы, мұнда заманауи Әмірліктердің нағыз дәмі мен рухын сезінуге болады.
Арабтық өрнектермен безендірілген интерьері және жұмсақ жарықтандыруы жайлы атмосфера сыйлайды. Негізгі мәзірден бөлек, мұнда дәстүрлі запрангүл шайы мен балғын құрмалар беріледі, олар кешкі асты тамаша аяқтайды.
Фастфуд пен стритфуд
Жергілікті фастфудтан дәм татпау – барған еліңіздің нағыз дәмін сезінуден айырылу деген сөз. Әлемнің әртүрлі аймақтарындағы фастфуд көбінесе жергілікті асхананың ерекшеліктерін көрсетеді, аймаққа тән өнімдер мен дәмдеуіштерді пайдаланады, оларды халықаралық желілік мейрамханалардан табу қиын.
McDonald's, Hardee's немесе Subway сияқты таныс орындар туралы айтпаймын. Оның орнына, сізге Дубайдың ерекше тағамдарын ұсынып, жергілікті мәдениет пен гастрономиялық дәстүрлерді жеткізетін орындар жайлы жазамын.
Мәзірде: классикалық бургерлер мен түрлі қоспалар қосылған фри картобы, соның ішінде Wagyu сиыр етінен дайындалған мини-бургерлер, тауық сэндвичтері және ірімшік қосылған фри бар. Порциялары кішкентай, сондықтан жағажайда жеңіл тамақтану үшін өте қолайлы.
Мәзірде: тауық еті, асшаяндар, балық наггетстері, фри картобы. Порциялары үлкен, ал бағалары қолжетімді.
Мәзірде сондай-ақ грильде дайындалған тауық, кебабтар, хумус және салаттар бар. Порциялары үлкен, ал дәмі дәстүрлі Таяу Шығыс дәмдеуіштерімен байытылған.
Үздік таңғы астар ішуге болатын орындар
Таңғы асы бар қонақ үйлер ыңғайлы болғанымен, олардың мәзірнен тез жалығып кетуіңіз мүмкін.
Әлемнің әртүрлі асханалары ұсынылған Дубайда таңғы уақыт – жаңа гастрономиялық ашылулар үшін тамаша мүмкіндік. Таңғы ас арқылы әр елдің аспаздық дәстүрлерімен танысып, күні бойы қуат беретін ерекше тағамдардан дәм татуға болады.
Бұл бонус тізімінде жай ғана тамақ емес, нағыз таңғы ас дәстүрін ұсынатын орындар жинақталған.
Дубай асханасының алуандығы таңғаларлық: көше тағамдарынан бастап Мишлен жұлдызы бар мейрамханаларға дейін кез келген талғамға сай орын табуға болады. Бастысы – алдын ала жоспарлау, сонда ең үздік дәмдерді жіберіп алмайсыз!
