Саяхатқа шыққанда қандай банк картасын алған жөн

Менің атым Аманжол, мен Астанада тұрамын және саяхаттағанды жақсы көремін. Соңғы жылдар ішінде мен мыңдаған мильді ұшып өтіп, көптеген банк картасын қолданып көрдім. Бірден айта кетейін, билеттерді сатып алуға және көлікті жалға алуға қолайлы, оған қоса бизнес-лаунжға кіруге мүмкіндік беретін мінсіз карта жоқ. Бірақ сіз қаншалықты жиі саяхаттайтыныңызды және ақшаңызды ең көп жұмсайтын нәрсені анықтап, өзіңізге керек картаны таба аласыз.

Осы мақалада саяхатқа арналған банк картасын қалай таңдау керектігін айтып, өзіме ұнайтын нұсқаларды ұсынамын.

Карта таңдау кезінде неге назар аудару керек?

Кэшбэк. Саяхатқа шыққанда картамен төлеуге тырысамын. Сөзіме сеніңіз, саяхат кезінде 10-12% дейінгі кешбэк сізге шынымен ақша үнемдеуге көмектеседі. Әсіресе банк серіктестері арқылы билеттерді сатып алған немесе қонақүйлерді брондаған кезде. Жарнамаларда және сайтта банктер көбінесе 30-35% дейінгі кэшбэк сомасын көрсетеді, бірақ мұндай кэшбэкті әдетте банктің серіктес желісінде немесе эмитент-банктен (Visa немесе Mastercard) алуыңыз мүмкін, сондықтан картаның шартымен мұқият танысып шығыңыз.

Сондай-ақ, ай сайынғы максималды кэшбэк сомасына назар аударыңыз. Кейбір банктерде 15 мың теңге болса, басқаларында — 50 мың.

Бизнес-залдарға кіру. Бұл мүмкіндік ұзақ күтетін рейстер кезінде өте пайдалы болады, бірақ сіз оны жылына қанша рет қолданатыныңызды ескеруіңіз керек. Сапарға сирек шығатын болсаңыз, Visa Platinum (жылына екі рет кіру мүмкіндігі) жеткілікті, жиі шықсаңыз — Visa Signature, World Mastercard Black Edition (10 рет кіру) немесе Mastercard World Elite (шексіз) бар.

Қызмет көрсету. Оның төлемі ай сайынғы немесе жылдық болуы мүмкін, бірақ егер сіз кейбір шарттарды орындасаңыз — мысалы, айына белгілі бір соманы жұмсасаңыз, қызмет көрсету тегін болады.

Қосымша мүмкіндіктер. Мысалы, саяхат кезіндегі сақтандыру, автокөлікті жалға алуға жеңілдіктер немесе тегін роуминг. Кейбір карталар бизнес-залға адам алып кіруге мүмкіндік береді.

Саяхатқа арналған үздік қазақстандық банк карталары

Mastercard Black Edition

Билет сатып алуға, қонақүй брондауға және автокөлікті жалға алуға.

Кэшбэк: 35%-ға дейін, оның ішінде саяхат үшін 4%-ға дейін, онлайн-сауда үшін 1%, смартфонмен төлеу кезінде 2% (Apple Pay/Samsung Pay/Google Pay).

Кэшбек лимиті: айына 50 000 бонус.

Қосымша мүмкіндіктер: жылына 10 рет Lounge Key-ге тегін кіру, рейстің кешігуінен және жоғалған багаждан сақтандыру, роумингке 1 Гб интернет-трафик.

Құны: айына 2 000 теңге немесе 5 миллион теңге банк депозиті немесе айына 150 000 теңге ақша айналымы болса — тегін.

Жиі саяхатқа шыққанда ыңғайлы болатын Еуразиялық банктің әмбебап картасы. Билет сатып алыңыз, қонақүйлерге тапсырыс беріңіз, көлікті жалға алыңыз және кэшбэктің қызығын көріңіз. Жақсы бонус — Lounge Key бизнес-залдарына 10 рет тегін кіруге болады. Сондай-ақ, карта медициналық шығындарды, рейстің кешігуін және жоғалған багажды өтейтін сақтандыруды қамтиды. Халықаралық саяхат кезіндегі ең жақсы көмекші деп ойлаймын.

Бір айтарым: ЕО елдеріндегі офлайн-сауда үшін кэшбэк түспейді және Google Pay арқылы 2% кэшбекті қайтарып алған кезде қиындықтар туындауы мүмкін (ApplePay-де мұндай проблемалар болған жоқ).

Балама нұсқа: саудадан түскен бонустардан гөрі жайлы саяхатты бағалайтындар үшін Халық Банкінің мультивалюталық MasterCard Black Edition картасы бар. Halyk Club серіктестері 30% береді, смартфон арқылы төлесеңіз, тұрақты түрде 2% бонус аласыз.

Deposit card немесе SuperCard

Шетелдегі және елдегі сауда үшін.

Кэшбэк: бейілділік бағдарламасының деңгейі бойынша 30%-ға дейін. Оның 2%-ы смартфонмен төлем жасағанда, 1%-ы  50 мың теңгеден жоғары сомаға сауда жасаған кезде.

Кэшбэк лимиті: Standart деңгейі үшін — айына 50 000 теңге.

Қосымша мүмкіндіктер: валютаны тікелей айырбастау, ыңғайлы экожүйе.

Құны: тегін.

Екі карта да Freedom  bank-ке тиесілі. Кэшбэк Freedom инвестициялық валютасында есептеледі — оның бағамы өзгеруі мүмкін, бірақ қосымша арқылы теңгеге айырбастауға болады. Артықшылығы — теңгеден лира мен дирхамға тікелей айырбастау, сондай-ақ банк экожүйесіндегі сауда кезіндегі кэшбэктің артуы.

Сонымен қатар, ай сайын шоттағы күнделікті қалдық мөлшеріне 13,8% дейін жылдық пайыздық мөлшерлемесі түседі. Бұл картада көп ақша ұстайтын және қосымша табыс көргісі келетіндер үшін тамаша нұсқа.

Home Card Lite

Күнделікті сауда-саттық және көп ақша шығармай шетелде төлеу үшін.

Кэшбэк: 10%-ға дейін, оның ішінде супермаркеттер мен жанармай станцияларына — 1%.
Кэшбек лимиті: айына 20 000 теңге.
Құны: тегін.

Бұл Home credit bank картасының өзгеріп тұратын кэшбэк мөлшерлемесі бар, ол шығарылғаннан кейін 90 күн өткен соң 10-нан 5%-ға дейін төмендейді. Қызмет көрсету тегін, ал кэшбэкті түскен күннен бастап алты ай ішінде жұмсауға болады. Кемшіліктері: сауда-саттыққа қанша ақша жойсаңызда 1000 бонустан артық түспейді.

Балама нұсқа: Bereke банкі ұсынған ALL IN, шарттары бірдей.

Premier

Жиі ұшып тұратын, жоғары деңгейдегі қызмет көрсетуда жақсы көретін және өз жайлылығы үшін ақша төлеуге дайын жандарға.

Кэшбэк: 30%-ға дейін, санатсыз 3%-дан басталады, такси мен жанармай станцияларына — 10%.
Кэшбек лимиті: 100 мың теңге.
Қосымша мүмкіндіктер: жолаушылар үшін тегін бизнес-залдар, трансфер, сақтандыру, роуминг.
Құны: айына шот пен депозитке кем дегенде 20 млн теңге қалатын болса — тегін немесе айына 20 000 теңге.

Бұл Bereke bank картасы «чемодан-әуежай-ұшақ» режимінде өмір сүретін премиум саяхатты таңдайтын жолаушлар үшін өте қолайлы. Шарты, әрине, кез келген адамға ыңғайлы емес: не депозитке 20 миллион теңге қалдырыңыз, не айына 20 мың теңге қызмет көрсетуге төлеңіз. Бірақ мүмкіндіктері керемет: сіз әр жұмсалған 190 теңге үшін 1 Nomad Club (Air Astana саяхат бағдарламасы) ұпайына ие боласыз, бұл жаңартулар немесе билеттерді сатып алу үшін ұпайларды жылдам жинауға көмектеседі. Сонымен қатар, тегін бизнес-такси трансфері және бизнес-залдарға кіру мүмкіндігі: сіз өзіңізбен бірге екі адамды тегін кіргізе аласыз (депозитте 20 млн теңге болса) немесе тіпті лаунжда 10 адамға арналған кеш ұйымдастыра аласыз (депозитте 50 млн теңге болса). Ешбір қосымша шарттарсыз барлық сауда-саттық үшін 7%-ға дейінгі кэшбэк картаны әмбебап етеді.

Мен билеттерді сатып алу, қонақүйлерді брондау және бизнес-залдарға кіру үшін Mastercard Black Edition және күнделікті шығындар үшін SuperCard немесе DepositCard-ты қолданамын. Әдетте менімен бірге ұшатын жандардан бірге лаунжда демалу үшін MasterCard World Black Edition картасын ашуды сұраймын.

Суретті салған — Ольга Цай.