Қол жүгін тасымалдау ережелері: алып өтуге болатын заттар тізімі

Саяхатқа шыққанда, аз жүкпен шыққан тиімді. Ең басты себептердің бірі – қол жүгі ғана көрсетілген билеттердіі бағасы қымбат емес. Сондықтан, көбісі қол сөмкесіне керекті заттарын ғана салып алып, саяхатқа шығуға талпынады. Бірақ, бұл сөмкенің ішіне қалаған бар затты алып кету мүмкін емес.

Ендеше, қол сөмкеге не салуға болатынын айтып, қол сөмкенің негізгі өлшемдері қандай болуы керек екенін талқылайық.

Үнемді саяхаттау және басқа да пайдалы нұсқаулықтар — әлеуметтік желілерімізде

Telegram

Instagram

Қол жүгі дегеніміз не

Бұл жолаушы толық жүк ретінде тіркеуден гөрі, әуе бортына өзімен бірге алып кіретін заттар. Ұшуға тіркелу кезінде әуежай қызметкері сөмкеңіздің немесе чемоданыңыздың өлшемдерін тексеріп, арнайы қол жүгі белгісін тағады. Бұл заттардың мөлшері мен салмағы әуе компанияларының ішкі саясатына байланысты айтарлықтай өзгеруі мүмкін. Әуе компанияларының қандай саясатты қолданаты жайлы толығырақ төменде айтамыз.

Ұшаққа кіріп, отырғаннан кейін қол жүгіңізді алдыңғы орындықтың астына немесе жүк сөресіне қою керек.

Қол жүгінің өлшемі мен салмағы қандай болуы керек

Әрбір әуе компаниясында қол жүгін тасымалдауға арналған өз өлшемдері бар. Кейбіреулері бортқа шағын чемоданды алуға рұқсат етсе, ал басқалары тек арқа рюкзактарын алып кіруге мүмкіндік береді. Бюджеттік тарифтерде немесе арзан рейстерде, әдетте, қол жүгінің ең кішкентай өлшемін қосымша ақысыз тасымалдауға болады.

Қазақстандық әуе компанияларының қол жүгіне қойылатын талаптары:

Әуежайда қол жүгін қалай және қашан тексереді

Қол жүгін тексеру бірнеше кезеңнен тұрады. Кейбір әуежайларда қол жүгінің тек салмағы мен өлшеміне назар аударады, ал басқалары тек оның ішінде не бар екендігіне назар аударады.

Рейске тіркелу кезінде. Ең бастысы, сөмкеңіздің салмағына және өлшеміне қарайды. Өлшемдердің ережелерге сәйкес болуын қамтамасыз ету үшін сізден чемоданыңызды немесе сөмкеңізді белгіленген жерге немесе калибраторға қоюды сұрауы мүмкін. Қол жүгі сол калибратор өлшемімен толықтай сәйкес келуі керек (егер ол чемодан болса, онда дөңгелектермен бірге сол көрсетілген аймаққа дәл келуі керек).

Егер де қол жүгіңіздің өлшемі үлкен болып кетсе, сіз қосымша ақы төлеп, оны жүк ретінде тіркеуге тура келеді. Қол жүгінің өлшемге сай болуын бюджетті әуе компанияларының рейсіне отырғызу кезінде мұқият қадағаланады.

Қауіпсіздік бөлімінің тексеруі. Әрі қарай, сіз рейс алдындағы тексеруден өтуіңіз керек. Бұл тексеру кезінде қол жүгіңіздің ішінде ұшақ салонына алып кіруге тыйым салынған заттардың бар-жоғын сканерден өткізуі арқылы тексереді.Егер сіздің қол жүгіңізде тыйым салынған заттар табылса, дәл сол жердегі тексеріс аймағында тастап кетуді сұрайды. Тексеру кезінде қол жүгінің өлшемдері мен салмағы тексерілмейді.

Рейске отырғызуға басталғанда. Отырғызу кезінде қол жүгі калибратордың көмегімен де тексерілуі мүмкін. Егер қол жүгіңіз әуе компанияның белгіленген өлшемдеріне сәйкес келмейтіні анықталса, оны қосымша ақы төліп, багаж бөліміне тапсыруға тура келеді.Бірақ та, бұл жағдай жиі кездеспесе де, тексеруі мүмкін.

Егер сіз сөмкені тіркеуден және қосымша ақы төлеуден бас тартсаңыз, онда әуе компаниясының ережелерін сақтаудан бас тартады деп сізді рейске жібермеуі мүмкін. Сондықтан, тіркелу кезінде қол жүгін жасырмау керек – бұл әсіресе арзан әуе компанияларының ережелірін қатаң сақтауға қатысты айтылатын кеңестердің бірі.

Суретті салған — СашаШура.

Қол жүгінде алып өтуге болатын заттар

Қол жүгінде еш қиындықсыз алып өтуге болатын заттардың тізімі:

• Жалпы көлемі 1 литрден аспайтын сұйықтықтар: сусабындар, парфюм, бөтелкелер – барлығы мөлдір пакетке салынуы керек. Әр флаконның көлемі 100 миллилитрден аспауы қажет. Қолыңыздағы 500 мл судың өзін алып кіруге тыйым салынады. Жартылай толтырылған флакондарды, мысалы, 1 литрлік бөтелкедегі 100 миллилитр сұйықтықты алып өтуге болмайды. 
• Қаптамадағы немесе дәрігердің рецептісі бар дәрілер. 
• Ноутбук, телефон, пауэрбанк, құлаққаптар, фотоаппараттар – алуға болады. Қауіпсіздік тексерісінен өткен кезде, сізге электрондық құралдардың жұмыс істейтіндігін қосып көрсетуді талап етуі мүмкін. 
• Балалар тағамы, жеңіл тамақ, контейнерге салынған ас. Бірақ та, сұйық тағамдар мысалы сорпаны алып кіруге болмайды. Себебі ол сұйықтық болып саналады және контейнер көлемі 100 миллилитрден аспауы тиіс. Егер жолаушы тек сорпа ішуі қажет екенін дәлелдейтін құжатын (мысалы, гастроэнтеролог дәрігердің анықтамасын) көрсетсе, 1 литр сорпамен де өткізілуі мүмкін.
• Киім-кешек, аяқ киім, ойыншықтар (қару-жараққа ұқсамайтын), кітаптар, блокноттар, әйелдер гигиеналық құралдары, контакт линзалары және бос ыдыстар.
• Дьюти-фри дүкенінен сатып алынған, арнайы пакетке салынған тауарлар.
• Электронды темекілер, вейптер және кәдімгі темекі. Алайда, оларды ұшақ ішінде шегуге және зарядтауға тыйым салынған.

Қол жүгінде алып өтуге тыйым салынған заттар

• 100 миллилитрден асатын сұйықтықтар бар флакондар. Сұйықтықтарға бал, тосап, консервілер, паштет, тоналды крем, әтір сияқты, тонер сияқты өнімдер де жатады.

• Үшкір-кесетін заттар: маникюр қайшылары, мультитулдар (бір құралда шанышқы, бөтелке ашқыш, штопор және басқа құралдар біріктірілген), жиналмалы пышақтар, штопорлар және тоқу инелері.

  Ескерту: диабетпен ауыратын жолаушыларға арналған ине-шприцке қатысты жеке ереже бар. Егер ине-шпирицті қолдану керек болса, жолаушының қолында ұшу барысында инъекция қажет екендігін растайтын дәрігер анықтамасы болуы керек.

• Қару және оның макеттері. Қаруға ұқсас балалар ойыншықтарын алуға да тыйым салынған (мысалы ойыншық пистолет).
• Улы және токсикалық заттар.
• Сіріңке мен бензинді оттықтар. Тек бір рет қолданылатын қарапайым оттық алуға рұқсат етіледі (әр жолаушыға – біреу ғана).
• 160 Вт/сағ қуатынан жоғары литий-ионды батареялар. Бұл батареясы бар құрылғыларға электр көліктері, мысалы, моноколесо кіреді.
• Құрамында сынап бар құрылғылар: термометрлер, барометрлер және шамдар.
• Газ баллоншалары, пиротехникалық заттар, жарылғыш заттар және электрошок құрылғылары.

Қол жүгіңіз белгілен салмақтан тыс болған жағдайда не істеу керек

Егер жүгіңіз өте ауыр болса, бірақ әуе компаниясының калибраторына оңай сыйса, сіздің айтар кеңестеріміз де бар:

1. Кейбір әуе компаниялар қол жүгінің үлкенірек өлшемі үшін қосымша ақы төлеуге мүмкіндік береді. Егер мұндай мұмкіндік бар болса, салмақ үшін төлем жасап, оны ұшақ бортына алып, өте аласыз.
2. Егер ондай мүмкіндік болмаса, жүгіңізді багаж ретінде тапсыру қажет болады.

Егер сіз жалғыз ұшпайтын болсаңыз, артық заттарды бірге саяхаттап жүрген қасыңыздағы адамдардың жүгіне бөліп салыңыз. Сондай-ақ, кейбір әуе компаниялар рюкзак пен кіші сөмкні – әйел сөмкесі – жеке зат ретінде алып жүруге рұқсат етеді, сондықтан заттарыңыздың бір бөлігін соларға сала тұруыңызға болады.

Қол жүгіне қосымша ақысыз алып өтуге болатын жеке заттар 

Әрбір әуе компаниясының саясатына сәйкес қол жүгінде алып өтетін заттар әр түрлі болуы мүмкін, сондықтан ұшар алдында ресми сайтттардан нақты ережелерді тексерген жөн.

Көбінесе рұқсат етілетін заттар:

• Рюкзак, әйел сөмкесі немесе портфель. 
• Сыртқы киім – пальто, күртке, және т. б.
• Гүл шоқтары.
• Ішіне тек қана костюм салынған портплед.
• Балаға арналған тағам – ұшу кезінде тамақтандыру үшін.
• Жиналмалы балалар арбасы.
• Мүгедектерге арналған көмекші құралдар – балдақтар, таяқтар, жүріс арбалары, роллаторлар және кресло-арбалар. 
  • Егер ұшақ ішінде кресло-арбаны орналастыратын орын болмаса, оны тегін багажға тапсыру қажет болады. Ұшақ ішінде қозғалу үшін арнайы арба беріледі.
• Ұшу кезінде қажет болатын дәрі-дәрмектер мен арнайы тағамдар. Айтып өткендей, дәрігердің рұқсаты бар қағазыңыз болуы керек. 
• Duty Free дүкендерінен сатып алынған заттар.

Суретті салған — СашаШура.

Кейбір елдерде қол жүгінде тасымалдауға тыйым салынған заттар

• Оңтүстік-Шығыс Азия рейстерінде дуриан, кокос және қарбыз сияқты жемістерді алып өтуге болмайды. Дурианның өткір иісі бар, кокос рентген сканерінде көрінбейді, ал қарбыз ұшақтағы қысымның өзгеруіне байланысты жарылып кетуі мүмкін.
• АҚШ-қа азық-түлік өнімдерін қол жүгінде де, багажда да алып кіруге тыйым салынған. Жеміс-жидек пен көкөністі тасымалдау үшін арнайы рұқсат алу қажет.
• Франциядан ұшақ салонына ірімшікті алып кіруге болмайды, оны тек багажда тасымалдауға рұқсат етіледі.
• БАӘ-де құрамында кодеин, есірткілік компоненттер немесе ауырсынуды басатын заттар бар дәрі-дәрмектерді тек дәрігердің рецепті және арнайы рұқсатпен алып өтуге болады. Сонымен қатар, транквилизаторлар, ұйықтататын дәрілер, антидепрессанттар және жөтелге қарсы кейбір препараттарды тасымалдау үшін оларды декларациялау қажет. Жолаушыда дәрігер рецепті мен ағылшын тіліне аударылған түсіндірме жазба болуы тиіс.

Суреттерді салған — СашаШура.