2025 жылы арзан ұшақ билеттерін сатып алу: Aviasales.kz кеңестері
Біз өз ісімізді жақсы білеміз — сондықтан лайфхактарды түртіп алыңыз.
Біз билет іздеу трендтерін зерттеп, сізге арнап ең пайдалы әрі тиімді кеңестерді жинап қойдық. Осы лайфхактардың арқасында ең күшті ұсыныстарды тауып аласыз — сөзімізге сеніңіз!
Aviasales.kz сервистерінің көмегімен үнемдеңіз
Таңдаулы. Билеттердің бағасы кейде төмендеуі мүмкін, бірақ оны тәулік бойы бақылап отыру мүмкін емес. Бірақ Aviasales.kz үшін мүмкін емес ештеңе жоқ! Ұнатқан билетіңізді Таңдаулыға қосып қойыңыз — бағасы өзгерсе, бірден хабарлама аласыз.
Төмен бағалар картасы. Қай күні ұшатыныңыз белгілі болып, бірақ қайда баратыныңызды шешпесеңіз, «кез келген бағыт» деп көрсетіп, картадағы арзан билеттерді таңдаңыз.
Ыстық билеттер. Бұл — алдағы 30 күнге арналған арнайы билет топтамасы, олардың бағасы әдеттегіден кемінде 10% арзан. Ең тиімді ұсыныстарды жіберіп алмау үшін сайттағы немесе қолданбадағы бөлімді әлсін-әлсін қарап жүріңіз.
Жаңалықтар. Жазылып қойыңыз — сонда тұрғылықты жеріңізге байланысты арзан билеттер топтамасы поштаңызға жіберілетін болады.
Әлеуметтік желілер. Мұнда жеңілдіктер, жаппай сатылымдар мен саяхат туралы тың ақпараттар шығады. Әсіресе біздің телеграм-каналымызда жазбалар мен топтамалар өте жылдам жарияланады.
Ұшақ билеттерін сатып алатын ең тиімді уақытты таңдаңыз
Ұшақ билеттерінің бағасы оларды таңғы 10-да немесе түнгі 3-те сатып алғаныңызға байланысты емес. Иә, дұрыс оқыдыңыз: әуе компанияларының алгоритмдері сізді бақылап отырып, қанша рет іздегеніңізге қарай бағаны қымбаттатпайды. Жай ғана ең тиімді билеттер ерте өтіп кетеді.
Бағаға шын мәнінде әсер ететін нәрселер — маусым, сұраныс және бағыт. Егер билет сатып алатын уақытты дұрыс таңдасаңыз, 50%-ға дейін үнемдеуге болады. Біз мыңдаған ұсынысты сараптап, әр маусымда билет алуға ең тиімді уақытты анықтадық.
Көктемде ұшатын болсаңыз:
- Қазақстан ішінде — 1,5–2 ай бұрын.
- Ресей, БАӘ мен Еуропаға — 1,5–3 ай бұрын.
- Түркияға — 1–1,5 ай бұрын.
Жазда ұшатын болсаңыз:
- Қазақстан ішінде — ертерек алғаныңыз жақсы.
- Түркияға — 5–10 апта бұрын.
- БАӘ-ге — 2–3 ай бұрын.
- Ресейге — 7–11 апта бұрын.
- Еуропаға — 7–14 апта бұрын.
Күзде ұшатын болсаңыз:
- Қазақстан ішінде — 1–2,5 ай бұрын.
- Түркия мен Еуропаға — 1–2 ай бұрын.
- Ресей мен БАӘ-ге — 6–10 апта бұрын.
Қыста ұшатын болсаңыз:
- Қазақстан ішінде — 1–1,5 ай бұрын.
- Түркияға — 1–1,5 ай бұрын.
- БАӘ-ге — 1,5–2,5 ай бұрын.
- Ресейге — 1–2 ай бұрын.
- Еуропаға — 5–7 апта бұрын.
Шетелге тікелей рейс тек Алматыдан немесе Астанадан ұшпайтынын ұмытпаңыз
Саяхатты жоспарлағанда Түркістан, Атырау, Шымкент және Ақтаудан ұшуға болатын нұсқаларды да қарастырыңыз — бұл біраз үнемдеуге көмектеседі.
Мысалы, Шымкенттен Түркияға, БАӘ-ге, Ресейге және Қытайға тікелей рейстер бар. Ал мамыр айынан бастап SCAT әуе компаниясы Венгрия, Германия, Мысыр және Оңтүстік Кореяға рейс ашуды жоспарлап отыр. Ақтаудан Әзербайжан, Иран және Грузияға ұшуға болады. Атыраудан Нидерландыға тікелей рейс бар.
Мысалы, Астанадан Ыстанбұлға тікелей ұшып бару 101 310 теңге тұрады. Ұшу уақыты — 5 сағат 50 минут.
Ал дәл сол күндері Ақтаудан ұшу 43 524 теңге тұрады, бірақ 14 сағат ұшуға тура келеді.
Екінші мысал — Сеул. Астанадан Сеулге тікелей ұшатын билет 239 775 теңге тұрады. Ұшу уақыты — 6 сағат 25 минут.
Ал бір күн кешігіп, Шымкенттен ұшсаңыз, билет бағасы 100 504 теңге болады.
Бұл қайтып келуге де қатысты. Егер ел ішінде саяхаттауды жоспарласаңыз, бір қалаға ұшып барып, қайтарда басқа қаладан ұшып келуді қарастырыңыз. Көп жағдайда әуежайы бар көршілес қалаға жету оңай әрі арзан (есіңізде болсын, көптеген туристік ел Қазақстанмен салыстырғанда әлдеқайда шағын, сондықтан қалалар арасындағы қашықтық та аз).
Мысалы, Дубайдан Астанаға баратын рейс 164 737 теңге тұрады.
Ал егер билетті Абу–Дабиден алсаңыз — 52 525 теңге болады.
Ыңғайлы хабтарда ауысып отыруға болатындай етіп билет алыңыз
Хаб — бұл көптеген әуе компаниясының ұшақтары ұшып келетін транзиттік әуежай. Сондықтан мұндай әуежайдан кез келген бағытқа ұшуға болады.
Ең арзан рейстерді кейде өзіңіз іздесеңіз тиімді болады, өйткені дайын біріккен билеттерге көбінесе бір әуе компаниясының, альянстың немесе серіктес компаниялардың билеттері ғана кіреді.
Азияға ұшып баруға болатын хабтар
Азия елдеріне Қазақстаннан саяхаттау үшін ең қолайлы хабтар — Қытай мен БАӘ. Бейжің мен Шанхай арқылы Оңтүстік Корея, Жапония, Сингапур, Тайланд, Малайзия және басқа да Азия елдеріне жетіп ала аласыз. Ал БАӘ арқылы Үндістан, Тайланд және Индонезияға ұшуға мүмкіндік бар.
Еуропаға ұшып баруға болатын хабтар
Қазақстандықтар үшін Еуропаға ұшуға ең ыңғайлы хабтар — Түркия мен БАӘ. Ыстанбұлдан Еуропаның кез келген еліне жетуге болады деп айта аламыз. Ал Абу–Дабиден Милан, Будапешт, Вена, Краков және басқа да Еуропа қалаларына рейс бар. Тағы бір қолайлы транзиттік нүкте — Кутаиси (Грузия), бұл жерден WizzAir лоукостері арқылы Еуропаның 15 қаласына ұшып барасыз.
АҚШ-қа ұшып баруға болатын хабтар
АҚШ-қа Қазақстаннан Түркия, БАӘ, Қатар немесе Өзбекстан арқылы транзиттік рейстермен баруға болады. Мысалы, Дубай мен Ыстанбұлдан Нью-Йорк, Чикаго және АҚШ-тың басқа қалаларына рейс бар.
Ауысып отыру кезінде рейстер арасында жеткілікті уақыт қалдыруды ұмытпаңыз. Бірінші рейс кешігіп қалуы мүмкін, кейде әуежай ауыстыруға тура келеді — бір қаланың екінші шетіне жету қажет болады. Сондықтан рейстер арасында кем дегенде 3–4 сағат болуын қадағалаңыз. Екіншіден, транзиттік елге виза керек-керек емес екенін міндетті түрде алдын ала анықтап алыңыз.
Бірден багаж кіретін билет сатып алыңыз
Әрине, багаж кірмейтін билеттердің бағасы сырт көзге әлдеқайда тартымды көрінеді. Бірақ мәселеге тура қараңыз: Түркиядағы он күндік сапарға 5 келі қол жүгінің жеткілікті екеніне сенімдісіз бе? Иә, багажды кейін бөлек сатып алуға болады — мұндай мүмкіндік көп әуе компаниясында бар. Бірақ ол кезде қымбатқа шығуы мүмкін. Былтырғы мәліметтерімізге сүйенсек, билетті бірден багажбен сатып алсаңыз, оны кейін немесе әуежайда сатып алғанға қарағанда орта есеппен 29% арзанға шығады.
Бұған қоса, әрине, басқа саяхатшылардың көрген-білгені мен кеңестеріне де құлақ түре жүріңіз — сол кезде өз саяхатыңыз да ұмытылмас әсер қалдырады.
