Airbnb-дің қыр-сыры: тіркелу, баспана брондау, төлем жасау және ақшаны қайтару

Airbnb қалай жұмыс істейді? Бұл қызмет түрінде тіркелудің, баспананы брондаудың және төлем жасаудың қандай жолдары бар? Қазақстанда қандай төлем әдістері қолжетімді екенін, қалай ақшаны қайтаруға болатынын және қалай баспананы қауіпсіз жалға алу керектігін біле аласыз. 

Үнемді саяхаттау және басқа да пайдалы нұсқаулықтар — әлеуметтік желілерімізде

Telegram

Instagram

Airbnb дегеніміз не және ол қалай жұмыс істейді?

Airbnb — әлемдегі ең танымал онлайн-платформалардың бірі, ол саяхатшылар мен жергілікті жердегі баспана иелерін байланыстырады. Бұл сервис арқылы қонақүйлерден гөрі арзан әрі жайлы пәтерлер, үйлер, виллалар немесе тіпті ерекше орындар (мысалы, бунгало, кемпингтер, яхталар) жалдауға болады. 

Airbnb қолданушылары екі топқа бөлінеді: үй иелері (хостар) және қонақтар. Хостар өз баспаналарын уақытша жалға береді, ал қонақтар өз бюджетіне және қажеттіліктеріне сәйкес нұсқаны таңдайды. Барлық процесс онлайн режимде өтеді — брондау, төлем жасау, тіпті пікірлер қалдыру да платформаның ішінде жүзеге асады.

Airbnb-ге тіркелу: қадам-қадам нұсқаулық

Airbnb сервисін қолдану үшін ең алдымен сол сайттағы қолданушының тіркеуінен өту қажет. Бұл өте қарапайым әрі жылдам процесс. 

Профильді жасау

1. Airbnb веб-сайтына немесе мобильді қолданбасына кіріңіз (iOS немесе Android-қа жүктеп алуға болады).
2. «Тіркелу»‎ батырмасын басыңыз.
3. Электронды пошта, телефон нөмірі немесе Google, Facebook, Apple аккаунттарының бірі арқылы тіркеліңіз.
4. Аты-жөніңізді, туған күніңізді жазыңыз.
5. Құпиясөзді ойлап тауып, тіркеуді аяқтаңыз.

Жеке басыңызды растау

Airbnb — қауіпсіздікке көп көңіл бөлетін платформа, сондықтан хостар мен қонақтар міндетті түрде жеке басын растауы керек.

1. Жеке куәлік немесе паспортыңыздың сканерленген көшірмесін жүктеңіз.
2. Өзіңіздің суретіңізді салыңыз. Сурет жоғарғы сапада болуы қажет. 
3. Телефон нөміріңізді растаңыз (SMS арқылы код келеді).

Профильді толтыру

1. Өзіңіз туралы ақпаратты толтырыңыз. Мысалы, қайда жұмыс істейтініңіз, қалай саяхаттағанды ұнататыныңыз туралы жазыңыз. Өзіңіз туралы көп жазғыңыз келмесе бұл ақпаратты толтыру міндетті емес. 
2. Қандай мақсатпен сапарға шыққаныңызды жазып қойыңыз. Кейбір хостар тек іскерлік сапарға шыққандарға немесе туристерге баспана жалға береді.
3. Қандай тіл білетініңізді көрсетіңіз. Хостар сізбен қай тілде сөйлесе алатынын алдын ала білсе, коммуникация оңай болады.
4. Төлем әдісін қосыңыз. Бұл кезең брондау кезінде уақыт үнемдеуге көмектеседі. Airbnb платформасында карта (Visa, Mastercard, American Express) немесе PayPal арқылы төлем жасауға болады. Қазақстанда Kaspi карталары да қабылданады.

Airbnb-де баспана брондау

Бағыт пен күндерді таңдау

1. Саяхаттайтын орынды және уақытын анықтаңыз.
2. Қай уақытта бару тиімді екенін зерттеп көріңіз. Туристік маусымға байланысты бағалар өзгеруі мүмкін.
3. Ұзақ мерзімге немесе қысқа мерзімге жалға алу опцияларын қарастырыңыз.

Іздеу жүйесі мен фильтрлерді пайдалану

1. Бюджетіңізге сай бағаны таңдаңыз.
2. Орналасқан жерін анықтаңыз (орталықта, жағажай маңында, тауда және т.б.).
3. Қосымша шарттарды белгілеңіз: Wi-Fi, тұрақ, ас үй, кондиционер және т.б.
4. Үйдің немесе пәтердің сипаттамасын мұқият оқып шығыңыз.

Пікірлерді оқу және шарттарды зерттеу

1. Бұрынғы қонақтардың пікірлерін оқып шығыңыз. Жоғары бағаланған үйлерді таңдаған жөн.
2. Хостың ережелері мен талаптарын қараңыз. Кейбір пәтерлерде жануарларға, темекі шегуге немесе көп адамды шақырып, сауық-кешін өткізуге рұқсат бермеуі мүмкін.
3. Төлемді қайтару саясаты мен төлем шарттарын мұқият оқыңыз. Кейде төлемді қайтармауы мүмкін.

Брондау алдында хостқа не жазу керек?

1. Өзіңізді таныстырыңыз. Қысқаша өзіңіз туралы және қандай мақсатпен саяхатқа шығатыныңызды айтып беріңіз.
2. Қосымша сұрақ қойыңыз. Мысалы, үйдің орналасқан жері, көршілердің тыныштығы, қосымша қызметтер туралы. Бірақ сұрағыңыз жоқ болса, артық сауал қоймаған жөн. 
3. Үйді алу-өткізу уақытын нақтылаңыз. Кейбір хостар икемді уақыт ұсына алады.

Airbnb-де төлем жасау

Қазақстандағы төлем жолдары

Қазақстандағы пайдаланушылар арналған төлем жасау әдістері:

• Банк карталары (Visa, Mastercard, American Express)
• PayPal (кейбір аймақтарда)
• Apple Pay және Google Pay (шектеулері бар)

Қызмет ақысы мен комиссиялар

Airbnb брондау кезінде бірнеше комиссия ұстайды:

• Қызмет ақысы — платформаны пайдалану үшін алынатын төлем (әдетте 10-15%).
• Тазалық ақысы — хост белгілейтін қосымша төлем.
• Салықтар — кейбір аймақтарда жергілікті салықтар қосылуы мүмкін.

Теңгемен төлеуге бола ма?

Иә, Airbnb платформасында теңгемен төлеуге болады. Бірақ кейде төлем шетел валютасында алынып, банктің айырбастау бағамына байланысты қосымша шығындар болуы мүмкін. Сондықтан брондау алдында төлем валютасын және қосымша комиссияларды тексеріп алған жөн.

Брондаудан бас тарту және ақшаны қайтару

• 

   
• 

   

Қонақтың брондаудан бас бартуы

Егер қонақ өзі брондаудан бас тартса, брондау жағдайларына байланысты ақшаны қайтару тәртібі өзгереді. Көп жағдайда қонақтан белгілі бір мөлшерде айыппұл алынуы мүмкін. Әдетте бұл айыппұлды қайтару саясатына байланысты есептейді. Егер қонақ кешігіп келсе немесе баспанадан мүлде бас тартса, онда қонақтың ақшасын қайтару кезінде белгілі бір шарттар қолданылуы мүмкін.

Егер қожайын бас тартса

Егер қожайынның шешімі бойынша брондау мүмкін болмаса, қонаққа қаражатын толық қайтарып береді. Бұл жағдайда, әдетте, ешқандай айыппұл болмайды. Airbnb міндетті түрде ақшаңызды қайтарып береді және сіз жаңа баспана қарастыра аласыз.

Өзгерістер енгізу

Брондауды өзгерту қонақтың немесе қожайынның сұрауы бойынша болуы мүмкін. Егер қонаққа бірдеңе өзгерту қажет болса, онда сол өзгерістің шартына сәйкес белгілі бір айыппұл немесе қосымша төлем алынуы мүмкін.

Ақшаны қайтару процесі

Бұл төлем саясатына және қонақтың немесе қожайынның брондау шарттарына байланысты. Төлем әдісіне қарай бірнеше күн ішінде ақшаны қайтарып береді.

Airbnb-дегі қауіпсіздік пен сенімділік

• Тек расталған профильдермен жұмыс істеңіз.
• Брондамас бұрын пікірлерді мұқият оқыңыз.
• Airbnb платформасынан тыс төлем жасамаңыз.

Қорытынды

Airbnb — саяхатшылар үшін қолжетімді, ыңғайлы және әртүрлі нұсқаларды ұсынатын платформа. Ол арқылы кез келген бюджетке лайық баспана тауып, жергілікті тұрғындардың мәдениетімен танысуға мүмкіндік аласыз. 

Алайда қауіпсіздік шараларын ұмытпау маңызды: пікірлерді мұқият оқып, хостпен алдын ала байланысып, төлем шарттарын тексеріп алу керек.