Будапешт: өнер мен серуенге құмарларға арналған бағыттама
Кілең әдемі және дәмді орындарды жинап алдық.
Балықшылар қамалына көтерілу, Парламент маңында суретке түсу, Сеченьдегі шомылатын жерлерде жылыну және риун-барға кіріп шығу — Будапештке келген кез келген туристке арналған қарапайым бағдарлама. Бірақ қалаға тұрғындардың көзімен қарап, әдеттегі жолнұсқалардан ерекшеленгіңіз келсе, біздің бір күндік гидімізді қарсы алыңыз.
Кофеханадағы таңғы дзен
Massolit Books & Café кітап кофеханасында отырып, бір шыны кофе немесе шай ішіп, әртүрлі тілдегі ескі кітаптарды парақтап, осында жиі келетін тұрғындармен немесе студенттермен әңгіме-дүкен құруға болады. Тойып таңғы ас ішкіңіз келсе Zoska Reggeliző Café немесе Café Csiga-ға барған жөн.
Ал егер жаңа піскен тәттілерден дәм татқыңыз келсе, Vaj-ға қарай асығыңыз, онда Aviasales.kz-тегі арзан ұшақ билеттері секілді тез сатылып кететін пісте круассанын ұсынады.
Мен California Coffee Company желісін жақсы көремін. Олардың көптеген филиалдары бар, бірақ әң әдемесі Әулие Иштван базиликасының маңында орналасқан. Таңертең немесе түстен кейін баруға кеңес беремін, кешке адам лық толы болады. Мәзірде тағамдарға қарағанда сусын көп, сондықтан десерт пен кофеден дәм татуға барыңыз. Мен пісте латтесі және ақсерке мен крем-чиз қосылған бейглді жақсы көремін.
Музей немесе жағалауға барып қайтыңыз
Егер өнерге жақын болсаңыз, орталықтан алшақтау Ludwig музейінде венгр және халықаралық кескіндеме, фотосуреттер мен инсталляциялардың әсерлі коллекциясы бар. Тым болмаса сіз музей дүкенінен кәдесый сатып ала аласыз немесе музей ғимаратының жанында суретке түсе аласыз: нағыз архитектуралық олжа! Қаланы тамашалағысы келетіндер үшін жақын жерде көпірлер көрініп тұратын серуендеу жолы бар. Өзіңізге ұнайтын нәрсені таңдаңыз.
Билеттерді музей сайтынан немесе барғанда бойда сатып алуға болады. Ересектер үшін бағасы — шамамен 6 000 форинт, студенттер мен зейнеткерлер үшін — 3 000 форинт (шамамен 4 300 и 2 150 теңге)
Ұлттық мерекелер кезінде барлық дерлік галерея мен музейге кіру тегін. Мысалы, 1 мамыр – Еңбек күні, 20 тамыз – Әулие Иштван күні, 25 желтоқсан – Рождество.
Егер сіз сол күндердің бірінде қалада болсаңыз, мен сізге өзім білетін бағыттама бойынша жүріп-шығуға кеңес беремін: Буда сарайындағы музей мен галерея, содан кейін Museum of Fine arts. Алғашқы екі орын бір-біріне жақын және қаланың ең әдемі көрінісін ұсынатын Буда сарайының бөлігі саналады. Бейнелеу өнері музейінің алдында әдетте кезекте тұрып қаласыз, бірақ маған сеніңіз, шамамен 20 минуттан кейін сіз ішке кіресіз. Музей өте үлкен, оған 2-2,5 сағат уақыт бөлу керек. Бұл керемет жерлер, бірақ туристер арасында танымал, бұл рас. Көпшіліктен қашқыңыз келсе, Венгрияның ұлттық музейі мен Этнография музейіне барыңыз.
Кәдесый ретінде картиналарды сатып алыңыз
Барлық ақшаңызды музейлерге жұмсап қоймасаңыз, суретші Маркус Голдсонның еңбектерін қарап көріңіз. Бұл кениялық суретші 90-шы жылдардан бері Будапештте тұрады және жергілікті тұрғындар арасында танымал. Оның картиналары венгр өмірін ирония және әзілмен бейнелейді — автобустағы наразы адамдардан бастап руин-барлардағы көңілді туристерге дейін.
Қайдан табуға болады: дизайнерлерік дүкендерден, жәрмеңкелерден (мысалы, Bálna-да) немесе музелерден. Толық тізім мында. Онлайн тапсырыс беруге де болады. Бағасы 10 мың форинттан басталады (шамамен 13 мың теңге).
Паприкаштан дәм татыңыз
Серуендеп болғаннан кейін, Menza-ға барып көріңіз. Мейрамхананың атауы «асхана» деп аударылады, бірақ подносты алуға асықпаңыз — мұнда кезекке тұрудың қажеті жоқ! Бұл тұрғындардың сүйікті жерлерінің бірі, мұнда венгр паприкашын — дәмдеуіштер мен жұмсақ клецки қосылған қою гуляш пісіреді, ал десертке сүзбе қосылған ракоци бәлішін алуға болады. Тіпті жергілікті токай шарабынан (Tokaj) ұрттасаңыз да артық етпейді. Вегандар үшін мәзірде өте дәмді саңырауқұлақ қосылған веган чизбургері мен тура әжеміз әзірлейтіндей дәмді венгр тұздамалары бар.
Венгр тағамдарынан дәм татуға болатын тағы бір жер — Paprika Vendéglő. Мұнда да дәмді қою гуляш пісіреді, ал интерьері нағыз венгр үйінің атмосферасын еске салады. Маңында серуендеуге болатын Варошлигет паркі бар.
Маргит аралын аралап шығыңыз
Қарын тойдырған соң, 4 немесе 6-шы трамваймен Маргит аралына баруға болады. Ол қала орталығында, Маргит пен Арпад көпірлерінің арасында орналасқан. Келген кезде электрлік скутерді немесе педикабты жалға алыңыз, бірақ жаяу жүрсеңіз де қызық көп: жапон бағы, шағын шіркеу және монастырь қирандылары. Балалар үшін ойын алаңдары мен шағын хайуанаттар бағы бар. Қараңғы түскенде, жарық-музыка шоуын көру үшін аралдың орталығындағы субұрқаққа барыңыз.
Lukács Baths-та демалып алыңыз
Жаяу жүріп өткізген күннен кейін жақсылып тұрып бір демалып алуға болады! Lukács деген шомылатын жерлер туралы туристер біле бермейді, бірақ тұрғындардың естігені анық. Мұнда термалды су, шипалы ванна және ашық аспан астындағы бассейндер бар. Осы бір кереметтің бағасы — жұмыс күндері шамамен 4 800 (шамамен 6 300 теңге) және демалыс күндері 5 200 форинт (шамамен 6 800 теңге).
Csendes Létterem руин-барына кіріп шығыңыз
Иә, риун-барлар туралы сөз қозғамаймыз дегенбіз, бірақ біреуі туралы айтпай кетуге болмас. Csendes-тің өз ережесі бар: би мен әннің орнына жайланып әңгімелесу, жартылай қирап қалған ғимараттардың орнына винтаж қабырғалар. Антуражы жаман емес: мұнда Будапешттегі ең қорқынышты қуыршақтың бәрі жиналған сияқты. Жақсы жерге отырғыңыз келе ме? Алдын ала брондап, қаланың көрінісі ашылатын үлкен терезелердің қасына отырыңыз.
