Лоукостер деген не және одан неліктен қорқудың қажеті жоқ

Саяхат баяғыда-ақ молшылықтың белгісі болудан қалды — қазір 10 000 теңге (кейде одан да арзан) тұратын билет табуға болады. Тек оны лоукостер-әуе компанияларынан іздеу керек: сіз жиі саяхаттау алуыңыз үшін үлкен гид дайындап қойдық.

Лоукостер деген не

Лоукостер (немесе дискаунтер) — үйреншікті қызметтерден бастан тарту арқылы билет бағасын арзандататын әуе компаниясы: мысалы, тегін багаж бен әуежайдағы тіркеуден — мұндай жағдайда тек онлайн-тіркелу тегін болады.

Әдетте осылай баға 10-20 мың теңгеге арзандайды. Бұған қоса, лоукостерлер жиі жаппай сатылым өткізіп тұрады: егер үлгеріп жатсаңыз, билетті бар жоғы 6-10 сатып ала аласыз. Көп жағдайда мұндай баға Еуропа қалаларының арасында ұшуға арналған, сондықтан тіпті он елден тұратын бағыт ойластырсаңыз да, шығынға батпайсыз.

Бағаның арзандығы «жаман» ұшаққа мінесіз деген сөз емес: керісінше, жаңа ұшақ ұстау әлдеқайда арзан, сондықтан лоукостерлердің таңдауы да солар. Лоукостерлер үлкен әуе компаниялары өтетін тексерістен өтеді — бірде бір комиссия билеті арзан екен деп қойылған талапты жеңілдетпейді.

Бірақ лоукостер ұшағында креслолар бір-біріне жақын орналасып, қатардың да саны артатынын біліп жүріңіз, демек, бойы ұзын жолаушыларға кішкене жиналып отыруға тура келеді. Креслосы шалқаймайтын ұшақтар да кездесіп жатады. Өйткені лоукостерлер әр рейстегі жолаушылар санын арттыру үшін кабинаға барынша көп орын сыйдыруға тырысады.

Лоукостерлер тағы қалай үнемдейді (және не нәрсе үшін сіз байқамай көп ақша төлеп қойыңыз мүмкін)

Ұшып келу әуежайы

Әуе компаниялары әуежайдағы тұрақ үшін ақша төлейді: әуежай қаншалық үлкен болса, бағасы да соншалық артады. Сондықтан көптеген лоукостер қаладан алшақта салынған (кейбіреулері тіпті көрші қалада) шағын ғана әуежайларға қонады.

Қайда ұшып келетініңізді және одан қалаған жеріңізге қалай жетуге болатынын алдын ала нақтылап алыңыз: әйтпесе таксиге көп ақша шығарып, қайда бару керек білмей бірнеше сағат жүріп қаласыз.

Әуежайдағы тіркеу

Әуе компаниясының қызметкерлері қаншалық аз болса, ол соншалық үнемдейді. Ұшқыштар мен жолсеріктердің санын азайту қиын, бірақ «жерде жүретін», әуежайда жолаушыларға тіркелуге көмектесетін қызметкерлерді қысқартуға болады. Сол себепті әуежайдағы тіркеу тегін болмауы мүмкін, одан да онлайн тіркеліп алыңыз.

Алдын ала салондағы орынды таңдап алғыңыз келсе, ол үшін де ақша төлеу керек. Ал кейбір әуе компаниялар орынды кездейсоқ ретпен бөліп береді, сондықтан бірге ұшатын жолаушылар бірге отырмауы мүмкін. 

Багаж тасу

Егер үйреншікті әуе компанияларының билет бағасына әдетте қол жүгі де, багаж қосылған болса, лоукостерге мінгенде тегін тек кішкене сөмкені алып кіре аласыз. Багаж үшін бөлек төлеу керек болады: әуежайдан гөрі сайтта төлеп, сатып алсаңыз арзанға шығады. 

Қол жүгінің бекітілген мөлшерін билет алмай тұрып біліп алыңыз: кейбір әуе компаниялары ережеге қатал қарайды, сондықтан нормаға сай келмейтін сөмкені багажға тапсыруға тура келеді (әрине, ақшасын да төлейсіз).

Борттағы тамақтандыру

Ұшақтағы тамақ тіліңізді үйірмесе де, әдетте тегін беріледі. Өзіңіз түсінгендей, лоукостерлер кез келшен қосымша қызметті ақшаға айналдырғысы келеді, сондықтан дүкеннен сатып алуға болатын қарапайым бутерброд үшін үш мың теңге төлеуіңіз мүмкін. Бортқа тамақты билет сатып алған кезде немесе рейске тіркеліп жатқанда алдыра аласыз.  

Үнемдегіңіз келсе, өзіңізбен бірге тамақ салып алыңыз — бұған тыйым салынбаған. Бұған қоса, Еуропаның елдерінде құбырдан ағатын суды ішуге болады, сондықтан қауіпсіздік бақылауынан өтерде бос пластик бөтелкені алып, құбырдан немесе арнайы субұрқақтан су толтырып алыңыз: осылайша сіз аз да болсын үнемдеп, әуежайда немесе тіпті ұшақ бортында су сатып алмайсыз.

Қайтаруға болмайтын билеттер

Егер лоукостер өте тиімді бағада билет сатып жатқанын көрсеңіз, бірақ нақты саяхатқа бара алатыныңызды не бара алмайтыныңызды білмесеңіз, сатып алмай-ақ қойған дұрыс. Мұндай билеттерді қайтара алмауыңыз мүмкін, ал ұшу күнін ауыстыру үшін қосымша ақша төлеу керек болады. Бір жағынан, егер билеттер өте-өте арзан болып, ол ақшамен қоштасу аса ауыр болмайды, есесіне сіз қызық саяхаттан құр қалмайсыз.

Қазақстаннан ұшатын лоукостерлер

Ақшаны үнемдеу үшін бортқа жеңіл тамақ ала салыңыз. Бірінші кезекте отырғызу және қосымша багаж сияқты қосымша қызметтерді әуежайда емес, билетті сатып алу кезінде-ақ сатып алу тиімдірек.

FlyArystan

Air Astana-ның еншілес әуе компаниясы 2019 жылдың мамырында ұша бастады. 2024 жылы лоукостер тек Қазақстан бойынша емес, шетелге де ұшады: Грузия, Түркия, Әзірбайжан, БАӘ, Катар, Өзбекстан және Қытай.

5 кг-нан аспайтын қол жүгі тегін, ал 10 кг үшін 5 000 теңге төлейсіз. Багаж бағасы қайда ұшатыныңызға байланысты. Мысалы, Алматыдан Астанаға ұшатын рейсте 7 700 теңгеден басталады, орын таңдау — 2 100 теңге.

Wizz Air

Бірден 750 бағытқа ұштан венгр лоукостері. Астанадан, Алматыдан және Түркістаннан Абу-Дабиге ұшып, кейін осы лоукостермен басқа кез келген елге аттансаңыз болады — мұндай шешім тікелей билетке қарағанда арзанға шығады. Оның үстіне Абу-Дабиді аралап шыға аласыз.

Wizz Air-де ең арзан билет құнына тек жеке сөмке (10 кг-ға дейін, өлшемі 40х30х20 см-ден аспайтын) кіреді. Құны шамамен 50 еуро тұратын WIZZ Priority қызметін сатып алғанда, тағы бір қол жүгін (10 кг-ға дейін, өлшемі 55x40x23 см-ден аспайтын) алып жүруге рұқсат. Тіркелген багажды (32 кг-ға дейін) сатып алу мүмкіндігі бар; құны баратын жерге байланысты.

Pegasus

Елдегі ең жас флоты бар (өздері солай дейді) түркиялық тасымалдаушы. Қазақстаннан тіке Ыстанбұл, Анкара және Антальяға дейін ұшады, ал ол жерлерден Түркияның іші бойынша 35 бағытқа, әлем бойынша 104 бағытқа ұшады.

Халықаралық рейстерде тегін тек жеке сөмкені алуға болады (3 кг-ға дейін, 40x30x15 см-ден аспайтын). Saver тарифін таңдаған кезде қосымша қол жүгін (8 кг-ға дейін, 55x40x20 см-ден аспайтын) және 20 кг-дық тіркелген багажды ала аласыз.

FlyDubai

Бұл Дубайды әлемнің әртүрлі қалаларымен байланыстыратын Эмираттың арзан әуе компаниясы. Астанадан, Алматыдан және Шымкенттен Дубайға ұшып, ол жерден кез келген елге сапар шегуге болады.

Билет құнына қол жүгі кіреді (7 кг-ға дейін, 55х38х20 см-ден аспайтын). Тіркелген багаж бөлек төленеді (32 кг-ға дейін).

AirAsia X

Куала-Лумпур мен Алматы арасында тікелей рейстерді орындайтын малайзиялық әуе компаниясы.

Егер жеке сөмке (40х30х10 см) мен қол жүктің (56х36х23 см)  салмағы 7 кг-нан аспайтын болса, оладры тегін ала аласыз. Бұл шектеуді ақылы түрде 14 кг-ға дейін арттыруға болады немесе Fast Pass қызметін сатып алсаңыз болады.