Амстердамды аралаймыз: Ван Гогтан бастап строупвафлсқа дейін — қаланың күшті жерлері мен құпиялары
Қай ауданда тұрған жөн екенін және ойда жоқта жол ережесін бұзып кетпеу үшін не істеу керек екенін айтып береміз.
Сәлем, менің атым Аружан. Жеті ай бұрын жұбайым екеуіміз Нидерландыға (Маастрихт қаласына) оқуға келдік. Бұл ел аса үлкен емес, ал ыңғайлы теміржол жүйесінің арқасында кез келген жерге жету оп-оңай. Сол себепті демалыс күндері немесе бос уақытымызда біз Амстердамға жол тартамыз — дәмді тағам жеп, жаңа мәдениетті қызықтап, жайбарақат каналды бойлай серуендейміз (бірақ мұнымен шектелмейміз!).
Осы уақыт ішінде менің сүйікті орындарым пайда болды, осы мақалада солар туралы айтып беремін. Сондықтан мақаланы жадыңызда ұстап, ыңғайлы уақытты таңдап, билеттерді Aviasales.kz арқылы брондаңыз.
Айтпақшы, Нидерландыға жазда немесе көктемнің соңында келген дұрыс. Сәуір айында күн шығып, қызғалдақтар гүлдеп, қала қайтадан жандана түседі.
Амстердамға қалай жетеміз және виза керек пе?
Қазақстаннан Амстердамға тікелей Air Astana рейсі Атыраудан қатынайды. Сондай-ақ Ыстанбұл, Варшава, Франкфурт немесе Дубай арқылы ұшуға болады. Ең қолжетімді нұсқа — Астана немесе Алматыдан Pegasus лоукостерімен Ыстанбұл арқылы ұшу.
Амстердамға бару үшін қазақстандықтарға шенген визасы қажет. Визаны Астанадағы Аустрия елшілігі немесе Алматыдағы Венгрияның Бас консулдығы арқылы рәсімдеуге болады. Құжаттады тапсыру үшін алдын ала жазылу керек.
Амстердамда қайда тұруға болады?
Жолға уақыт жоғалтпас үшін, өзіңізге лайықты аудан таңдау керек. Төмендегі кесте сізге ең қолайлы нұсқаны табуға көмектеседі деп үміттенемін.
Аудан | Артықшылықтары | Кемшіліктері |
|---|---|---|
Де Валлен (De Wallen) | негізгі туристік аудан — көңілді атмосфера, хостелдердің көптігі мен қолжетімді қонақүйлер | шулы, қалта ұрылары жүреді, қызыл шамдар кварталының атмосферасы бар |
Орталық (Centraal/Centrum) | орналасқан жері жақсы — мейрамханалар мен дәмханалар, дүкендер өте көп | қымбат кафелер мен дүкендер, тәулік бойы дерлік шу мен қарбалас |
Музейлер кварталы (Museum Quartier) | өнер сүйетіндердің арманы — саябақтар көп, атмосферасы тыныш | қымбат аудан, туристерге арналған |
Лейдсеплейн (Leidseplein) | барлар мен клубтар өте көп | шулы, әсіресе түнде |
Де Пейп (De Pijp) | өзіндік стилі бар аудан — ерекше мейрамханалар, кофеханалар мен дәмханалар жетерлік | халық көп, жалдау ақысы жоғары, көлік тұрағы мәселесі қиын |
Йордан (Jordaan) | тарихи аудан — бутиктер, ерекше дүкендер мен галереялар көп, тыныш орта | қымбат |
Де Валлен (De Wallen)
Артықшылықтары
негізгі туристік аудан — көңілді атмосфера, хостелдердің көптігі мен қолжетімді қонақүйлер
Кемшіліктері
шулы, қалта ұрылары жүреді, қызыл шамдар кварталының атмосферасы бар
Орталық (Centraal/Centrum)
Артықшылықтары
орналасқан жері жақсы — мейрамханалар мен дәмханалар, дүкендер өте көп
Кемшіліктері
қымбат кафелер мен дүкендер, тәулік бойы дерлік шу мен қарбалас
Музейлер кварталы (Museum Quartier)
Артықшылықтары
өнер сүйетіндердің арманы — саябақтар көп, атмосферасы тыныш
Кемшіліктері
қымбат аудан, туристерге арналған
Лейдсеплейн (Leidseplein)
Артықшылықтары
барлар мен клубтар өте көп
Кемшіліктері
шулы, әсіресе түнде
Де Пейп (De Pijp)
Артықшылықтары
өзіндік стилі бар аудан — ерекше мейрамханалар, кофеханалар мен дәмханалар жетерлік
Кемшіліктері
халық көп, жалдау ақысы жоғары, көлік тұрағы мәселесі қиын
Йордан (Jordaan)
Артықшылықтары
тарихи аудан — бутиктер, ерекше дүкендер мен галереялар көп, тыныш орта
Кемшіліктері
қымбат
Қаланы немен аралаймыз?
Велосипедмен
Бір күнге бағасы: 10 еуродан басталады (5 000 теңге).
Амстердам — велосипедшілер қаласы. Мұнда велосипед жолдары өте жақсы дамыған, сондықтан қаланы екі дөңгелекпен аралау — ең ыңғайлы тәсіл. Велосипедті қаланың кез келген жерінен жалға алуға болады — жалға беру бекеттері әсіресе Орталық вокзал маңында, Лейдсеплейн алаңында және қонақүйлердің жанында көп. Велосипед жалдау пункттерінің толық тізімін осы жерден көре аласыз.
Жергілікті тұрғындар велосипедті дұрыс айдай алмайтын адамдарды аса жақтырмайды, сондықтан кейбір ережелерді сақтау маңызды. Ең басты ережелер:
- Өз жолағыңызбен жүріңіз — арнайы веложолдан шықпаңыз, олар ақ сызықтармен және велосипед белгісімен белгіленген.
- Жол ережесін сақтаңыз — жаяу жүргінші жолымен, жаяу жүргіншіге арналған көшелермен немесе тасжолмен жүруге болмайды. Күн батқаннан кейін міндетті түрде алдыңғы және артқы шамды қосыңыз — жарық қоспай жүргеніңіз үшін 75 еуро (шамамен 39 000 теңге) айыппұл төлейсіз.
- Белгі беруді ұмытпаңыз — бұрылмас бұрын қажет бағытқа қолыңызды созыңыз.
- Трамвай рельстеріне абай болыңыз — егер дұрыс айдамасаңыз, дөңгелек рельске қысылып қалуы мүмкін.
- Басқа велосипедшілерге құрметпен қараңыз — жолды жауып тұрмаңыз, топтасып жүрмеңіз, бағытқа сай жүріңіз. Егер картаға қарау немесе қоңырауға жауап беру керек болса — тоқтаған жөн. Әйтпесе жолда телефон пайдаланғаныңыз үшін 160 еуро (шамамен 84 000 теңге) айыппұл төлейсіз.
Қоғамдық көлікпен
Амстердамдағы қоғамдық көлік ыңғайлы әрі жақсы жұмыс істейді: трамвай, автобус пен метро сізді қаланың кез келген нүктесіне тез жеткізеді.
Билет сатып алмас бұрын мыналарға назар аударыңыз:
- Жүргізушілер билет сатпайды. Автобус пен трамвайда билет сатып алу мүмкін емес, сондықтан жолақысын алдын ала дайындап қойған жөн. Қалай? Төменде айтып береміз.
- Біріңғай тариф жүйесі қолданылады. Қала көлігінің (метро, трамвай мен GVB автобустары) барлығы дерлік бір тариф жүйесімен жұмыс істейді. GVB жол жүру картасын барлық көлік түріне қолдануға болады, бұл сапарды әлдеқайда ыңғайлы етеді.
Қоғамдық көліктің ақысын қалай төлейміз?
OVpay — бұл барлық көлік түрінде жұмыс істейтін төлем жүйесі. Жай ғана валидаторға банк картаңызды, смартфонды немесе смарт-сағатты кіргенде және шыққанда тигізсеңіз болды — автоматты түрде төлем жасайсыз.
OV-chipkaart — бұл кез келген сапар кезінде қолдануға болатын пластик көлік картасы. Оны GVB автоматтарынан, Tickets & Info кеңселерінен, дүңгіршектер мен супермаркеттерден сатып алуға болады. Қоғамдық көлікті жиі пайдаланатын жандарға ыңғайлы. Жұмыс істеу принципі — алдын ала төлем жасайсыз: картаға кез келген соманы саласыз (сапар басталар алдындағы ең аз қалдық — 4 еуро), ал әр сапарда бекітілген негізгі төлем мен жүрген қашықтық үшін қосымша ақы алынады. Бірақ кіргенде де, шыққанда да картаны валидаторға тигізуді ұмытпаңыз — әйтпесе жүйе ақша ала береді.
Егер балансты ойлап, уайымдағыңыз келмесе және қала ішінде еркін жүргіңіз келсе, GVB Day&Multi-Day Ticket сатып алуға болады. Бұл 1–7 күнге арналған жол жүру билеті, ол арқылы барлық трамвай, автобус және метромен (күндіз де, түнде де) шектеусіз жүре аласыз. 1 күнге — 9,50 еуро (шамамен 5 000 теңге), 3 күнге — 15,50 еуро (шамамен 8 000 теңге), 7 күнге — 42,50 еуро (шамамен 23 000 теңге) төлеу керек болады. Толық ақпарат мында.
Амстердамдағы көрнекі жерлер
Дам алаңындағы король сарайы
Ван Гогтың музейі
Мемлекеттік музей
Амстердам каналдары
Albert Cuypmarkt көше базары
Ван Гог өнерінің жанкүйерлеріне музей дүкеніне соғып кетуге кеңес береміз. Бұл — әлемдегі ең үлкен музей дүкені, мұнда Ван Гог шығармашылығынан шабыт ала отырып жасалған сувенирлер сатылады: керамикалық ыдыстан бастап, кілтсалғыштарға дейін бәрі бар.
1960 жылы бұл үй музей ретінде ашылды. Уақыт өте келе оған деген қызығушылық артып, 90-жылдары жанынан қосымша ғимарат салынды — мұның бәрі келушілерді көптеп қабылдау үшін.
Ескерту: музей ішінде суретке түсіруге тыйым салынған.
Pllek мейрамханасына міндетті түрде кіріп шығыңыз — жағажай атмосферасы мен суға қараған көрінісі ерекше әсер қалдырады.
Сарай шамамен 14 000 қазықтың үстіне салынған — олар бұл ғимаратты жұмсақ топырақтың бетінде ұстап тұрады.
Амстердамда қайда және не жеуге болады?
Киббелинг
Строупвафли
Строупвафли
Голландияда дәмді тағам жегенді жақсы көреді — мұндағы көше тағамы нағыз гастрономиялық мәдениетке айналған. Міне, міндетті түрде дәмін татып көру керек классикалық тіскебасарлар:
Биттерболен (Bitterballen) — қытырлақ, шыжып тұрған майда қуырылған ет түйірлері. Әдетте қышамен бірге беріледі. Оларды Амстердамдағы кез келген бар мен пабтан табуға болады.
Майшабақ (селёдка) — haringhandels деп аталатын арнайы дүңгіршектерде голландиялық майшабақ сатылады. Классикалық нұсқасын татып көргіңіз келсе, broodje haring — яғни жұмсақ нанға салынған майшабақты таңдаңыз. Ол көбіне тұздалған қияр мен пиязбен бірге беріледі.
Киббелинг (Kibbeling) — қытырлақ қуырылған ақ балықтың (көбінесе нәлім балығы) бөліктері. Егер сіз майшабақты ұнатпасаңыз, жергілікті балықтың дәмін татып көрудің тамаша тәсілі. Лимон мен майонез негізіндегі тұздықпен бірге беріледі. Ыстықтай жесе ерекше дәмді болады. Dappermarkt немесе Ten Katemark базарларынан сатып алып көріңіз.
Фри картобы — голландиялық мәзірде patat немесе frites деп аталады және әртүрлі тұздықтармен бірге ыстықтай қағаз қаптамада ұсынылады. Дәмі ерекше болсын десеңіз, чеддер мен пармезан қосылған немесе карри-кетчуп, майонез және пиязбен бірге берілетін нұсқасын таңдаңыз. Ең дәмді фри картобын мына жерлерден таба аласыз: Fabel Friet, Frietboutique және Vleminckx de Sausmeester.
Строупвафлс (Stroopwafels) — карамель салмасы бар жұқа вафл, ыстық күйінде жеген жақсы. Көптеген мейрамханада десерт ретінде ұсынылады, бірақ ең күштісін жеп көру үшін арнайы кафелер мен наубайханаларға барыңыз. Мысалы, Rudi’s Original Stroopwafels — жоғарыда атап өткен Albert Cuyp Market базарындағы дүңгіршек.
Кофеханалар
Нидерландыда кофе — жай ғана сусын емес, тұнып тұрған мәдениет. Ел кофе ішу бойынша әлемдегі алғашқы ондыққа кіреді және бұны бірден байқауға болады: мұнда кофені күннің кез келген уақытында ішеді — үйде, жұмыста және, әрине, кофеханаларда. Сонымен қатар, голландиялықтар «koffie met gebak», яғни кофені бір тілім торт немесе басқа да тәттімен ішкенді жақсы көреді. Жергілікті өмір ритмін сезінгіңіз келсе, жайлы кофеханалардың біріне кіріп шығыңыз. Амстердамда ондай жерлер өте көп — винтаж жиһазы бар кішкентай кафелерден бастап, ерекше дәмдегіштері бар авторлық кофе ұсынатын сәнді кофе-барларға дейін:
Uncommon Cafe — ерекше дәм іздейтіндер үшін. Мұнда жидек немесе шоколад дәмі бар сирек кездесетін кофе түрлерін ұсынады. Интерьері минималистік, баристалары ұқыпты, рецептері керемет. Фильтр-кофеден жаймен ұрттап отырып, тыныш отырып демалуға арналған тамаша орын.
Coffee District — сәнді кофехана, мұнда дән сапасы мен авторлық сусындарға ерекше мән беріледі. Мәзірде классикалық та, альтернативті де кофе түрлері бар, сонымен қатар дәмді таңғы астар мен десерттер ұсынады.
Locals Coffee — үйдегідей атмосферасы бар жайлы орын, мұнда жергілікті өнімдерден дәм тата аласыз. Кофеден бөлек, жаңа піскен тәтті тоқаштар мен жеңіл тіскебасарлар бар.
Saint-Jean — француз стиліндегі жайлы наубайхана-кофехана. Мұнда хош иісті кофе, круассан, тарталетка және ваниль мен кардамон қосылған әйгілі синнабон пісіріледі. Сондай-ақ мәзірде жаңа піскен наннан жасалған сэндвичтер мен маусымдық десерттер бар. Асықпай таңғы ас ішуге немесе тәтті тіскебасардан дәм татуға арналған керемет жер.
