Ұшақтардағы қызмет көрсету кластарының айырмашылығы неде?

Әдетте тауарлар мен қызметтерді үш топқа бөледі: арзан, қымбат және өте-өте қымбат. Пияз, лакталған орындық немесе ұшақ билеттерін сатып алуыңыз мүмкін, бұл аса маңызды емес — сатушы әрдайым сізге деңгейі мен сапасына қарай түрлі нұсқаларды ұсынады. Пияз қатысты бәрі түсінікті болса, ұшақ билеттеріне келгенде мәселе ондай айқын емес. Ұшуға қатысты «Эконом», «Бизнес» және «Бірінші» класс арасында қандай айырмашылық бар екені туралы айтып береміз.

Эконом-класс

Халыққа ең жақын класс: бағасы да арзан (кейде өте арзан), жиі багажға да орын бар, қалғанына шыдай тұруға болады — қалтаң қатты ортаймады ғой! Әдетте эконом-орындар салонның көп бөлігін алады, әсіресе ішкі рейс кезінде, сонымен қатар, овербукиң де экономда жиі болып тұрады. 

Егер бойыңыз 185 см-ден асатын болса, сіз үшін орындықтары қатты ыңғайлы болмауы мүмкін. Орындықтың ені шамамен 46 см, ал аяқ қоятын жер — шамамен 80 см. Егер әуе компаниясы толықтай сервис ұсынса, борт тегін тамақ пен сусындар болады, бірақ лоукостерге мінсең, жағдай қиынырақ — бәрі үшін төлеу керек, көп жағдайда тіпті су үшін де. Ал борттағы интернет интернет деген не өзі?

Экономмен ұшатын болсаңыз, саяхатыңыз тоқтап қалмайтынына не кейінгі шегірілмейтініне көз жеткізіңіз, өйткені билет қайтарған кезде көп әуе компаниясы билет бағасының 70% ұстап қалады. Әрине адамдар баяғыда-ақ билетті тегін ауыстыруға немесе қайтаруға болатын «Икемді эконом», «Премиум эконом» және «Қандай да бір эконом» дегендерді ойластырып қойған, бірақ олардың бағасы да қымбатырақ. 

Эконом-класс рейстеріне бәрімен бірге тіркелу керек, ешқандай жеке гейт немесе лаундж дейтіндер атымен жоқ. Бірақ кейбір компаниялар осы тұста да қосымша артықшыларды ұсынуға шебер — мысалы, AirAsia-да Priority Pass бар.

Ұшу кезіндегі тамаша сервистен гөрі қалаған жеріме жетіп алсам дейтін жандар үшін эконом-класс таптырмайтын нұсқа. Ас-сусыз және интернетсіз бірнеше сағат қиналмай отыра алатын болсаңыз — сізге керегі де осы.

Бизнес-класс

Бизнес-класста ыңғайлырақ — аяқ қоюға 90 см-ден 200 см-ге дейін орын бөлінген, орындықтың арқасы эконом-классға қарағанда көбірек шалқаяды — аяқ-қолыңды созып, жайлы ұйқыға кетуге болады.

Экономмен салыстырғанда (тіпті онда тамақ ұсынса да), бизнес-класста тамақты бір рет қолданатын ыдыста бермейді, таңдауға болатын тағамға да көбірек, олардың бағасы билет құнына кіреді. Тағы бір артықшылығы — ішімдік алдырып, рақаттанып вискиден ұрттап отыруға болады, бастысы көп ішіп қоймаңыз. Жаңалықтарды оқығыңыз келсе, газетті де әкеліп береді.

Бизнес-классқа екі есе көп багаж алып, тіпті салонға бір емес екі қолжүгін ұстап кіруге болады, тіпті кейде 50 кг дейін рұқсат етіп жатады. VIP-күту залы мен тіркеуге арналған бөлек орындар да бар. Билетті ауыстыру — проблема емес, бизнес-класта айыппұл мен уақытына қатысты мәселелер де болмайды.

Бәрі, шіркін, күшті ғой, бірақ бағасына тоқталсақ: экономдағы дәл осындай рейс бағасынан 2-4 есе қымбат төлеуге тура келеді.

Бірінші класс

Бұл билеттер арасындағы «Роллс-Ройс» — мұнда жолаушыға өте ыңғайлы болуы үшін бәрі қарастырылған. Бірінші кластағы орын — жай ғана орындық емес, өзіңізбен-өзіңіз болуыңыз үшін орнатылған шымылдығы бар бөлек купе. Трансатлантикалық әуе компанияларың бірінші класында душ пен жеке жатын бөлмесі де бар. БАӘ-дегі компаниялар одан асып түсіп, бірінші кластағы арналған артықшыларды көбейтті — SPA-салон мен борт ішіндегі массаж кабинеті.

Бірінші класта тамақты да жаппай пісірмейді — барлық тағамды жеке тапсырыс бойынша шеф-поварлар әзірлейді, тіпті мәзірден тыс кез келген нәрсені алдыруға болады. Ішімдік пен салқын сусындар қойылған жеке барда билет құнына кіреді. Көңіл көтергіңіз келе ме? Ортақ барға барып қайтыңыз — бұл қалаңызда кәдімгі барға ұқсайды, тек ұшақта екені болмаса.

Отырғызу кезінде керек нәрсенің бәрін береді: жібек пижама, гигиеналық заттар, ұйықтарда тағатын бетперде және тәпішке. Орныңызға жайғасқан кезде жеке медиажүйесі, интернет пен теледидарға дейін бар екенін көресіз. Бизнес-класста да мұның бәрі болуы мүмкін, бірақ, әрине, мұндай жоғары деңгейде емес.

Багаждың қамын ойламасаңыз да болады — не қаласаңыз да, қанша қаасаңыз да бәрін ала беріңіз, бастысы заңды бұзбаса және ұшаққа сыйса болды. Жолаушыларды тіркеу бизнес-кластағыдай — VIP-лаунж және жеке тіркеу орындары, бірақ салтанаты басым болады. Билетті кез-келген кезде айыппұлсыз ауыстыра аласыз.

Бағасына келер болсақ, он мыңдаған доллардан басталады, ал бірінші-класқа мінетіндер қатарында бизнесмендер, жұлдыздар және баршаға блогерлер бар. Кейси Нейстаттың  Emirates компаниясының бірінші класына шолуын қарап шықсаңыз, адамдар не үшін сонша көп ақшасын аямайтынын түсінесіз! Ұшақ билеті үшін бар болғаны 21 000 АҚШ доллары!