Әуежайдың VIP-залы деген не және оған қалай кіруге болады
Бұл не өзі, кімге керек және әуежайдың бизнес-лаунжына кіріп, сусын мен тағамға ақша шығармаудың жолы.
Барлық дерлік әуежайда бизнес-лаунж бар — кейде оларды VIP-зал деп атап жатады, бірақ бұл көбінесе менталитеттің көрінісі шығар, өйткені аса бір мән бермейді. Көп жағдайда саяхаттаушылар ондай залға «қымбат шығар» деп бекерге назар аудармай жатады. Бұл не өзі, кімге керек екенін және әуежайдың бизнес-лаунжына кіріп, сусын мен тағамға ақша шығармаудың жолын айтып берейік.
Бизнес-лаунж (VIP-зал, әуе компаниясының лаунжы) деген не
Қысқаша айтқанда, бұл — өте ыңғайлы күту залы. Ол жерде қатты орындықтар емес, жайлы кресло мен дивандар, салқындатқыштар, тез интернет болуы мүмкін, тіскебасарлар мен сусындардан да құр қалмаймыз. Жақсы лаунждарда ыстық тағамдар мен ішімдік ұсынады, ал өте жақсысында келіссөз бөлмесі, душ пен демалыс бөлмелері болады. Әрине, кәдімгі күту залына қарағанда бизнес-лаунжда барлық орындықтың бос болмауы екіталай.
Бизнес-лаунж қандай болады
Лаунждың үш түрі бар:
Әуе компаниясы тиістілер
Priority Pass секілді жүйеге тиістілер
Әуежайдың лаунжы
Үшіншісі сирек кездеседі, өйткені әуежай үшін үйреншікті емес іспен айналысқаннан гөрі бар кеңістікті жалға беру тиімді әрі оңайырақ — сондықтан алғашқы екеуі туралы сөз қозғайық.
Әуе компанияларының бизнес-залдары нақты әуе компаниялары тиесілі болады әрі ірі деген халықаралық хабтарда орналасады (кейде ел арасындағы рейстерде де кездестіріп жатамыз). Мысалы, Алматыдағы әуежайда бір-ақ бизнес-лаунж бар — ол Air Astana-ға тиесілі. Мәскеу, Стамбул немесе Бангкокте олардың ондаған түрі бар. «Бизнес-зал» немесе лаунж деп аталу себебі — әуе компанияларының бизнес-класымен ұшатын транзиттік жолаушылар дәл сол жерде демалады.
Сонымен қатар әлемдік бизнес-лаунж жүйесі (қонақ үй жүйесі секілді) болады — бірінші кезекте Priority Pass мен Lounge Key ойға келеді. Онда қалаған кез келген адам кіре алады, ақшасын төлесе болғаны. Бірақ ұзақ сапар кезінде адамша демалып, розеткаға таласпай гаджеттерді қуаттап, жүрек жалғап, шөл қандырудің теп-тегін жолы да бар.
Бизнес-залға кіргім келеді (тегін болса тіпті жақсы)
Лаунж-залға бір рет кіру 30-300$ тұруы мүмкін, бәрі әуежайға байланысты, дегенмен бұл қымбаттау (оның үстіне әдетте тек 3-6 сағат кіріп-отыруға мүмкіндік береді). Ал жиі ұшып тұратын жолаушылар «абонемент» сатып алады — мысалы, Priority Pass-тың (ең ірі жүйелердің бірі, әлем бойынша 1300 залы бар) үш ұсынысы бар:
«Стандарт» топтамасы жылына 99$ тұрады және аса жиі ұшпайтын жолаушылар үшін тиімді, сізге және жаныңыздағы бір адамға бекітілген 35$ (бір адамға) төлеп, кез келген Priority Pass залына кіруге мүмкіндік береді.
«Стандарт плюс» құны 329$ — ол арқылы 10 рет тегін кіре аласыз, кейін 35$ төлеу керек болады. Өзіңізбен бірге кірсін деген жан үшін де 35$ төлеу керек.
«Престиж»-дің құны 469$ — ол арқылы бір жыл ішінде Priority Pass залдарында шектеусіз демала аласыз. Сізбен бірге кіретін жандар үшін әдеттегідей 35$ төлеу керек болады.
Егер сіз тек жазда бір аптаға демалысқа шығып, жаңа жылдық демалыстарда туыстарыңызға баратын болсаңыз ондай жазылым алудың қажеті жоқ, ол тіпті өз құнын өтемейді де. Бірақ жиі іссапарға шығатын жандар үшін бұл нағыз мастхэв. Әуежайдағы бір түскі ас үшін 35$ төлеп жатасыз, ал жайлылық туралы айтпай-ақ та қояйық.
Бірақ бизнес-лаунждың кереметін Priority Pass жазылымынсыз-ақ байқап көруге болады:
Ең оңай жолы: кіруге рұқсаты бар жанмен бірге кіру. Тіпті танымайтын жолаушы болса да — оның ештеңесі кетпейді ғой (ал сіз сол баяғы 35$ төлейсіз).
Премиалды банк картасын рәсімдеуге де болады — бонус ретінде сақтандырудан бөлек (саяхат кезінде ол да керек) Priority Pass-ты да береді. Әдетте ол кіру рұқсатнамасы ретінде беріледі (кіру үшін тек 35$ төлейсіз) немесе жылына бірнеше рет тегін кіру мүмкіндігі де болады.
Премиалды карталарды, қазақстандық банктерді қосқанда, барлық дерлік банк шығарады. Мұндай картаны рәсімдеу үшін белгілі бір қаражат көлемін шотыңызға салып қою керек немесе карта арқылы тауарлар мен қызметтерді төлеп отыру керек. Тым болмағанда картаның өзі үшін жылдық қызмет көрсету құнын төлеп отырыңыз, бірақ Priority Pass үшін ғана солай жасау, әрине, тиімсіз — одан да абономентке жазылып алған жеңілерек сияқты.
