Ұшақта отырып ұйқыға кету: өте көп кеңес
Қысқасын қайырайық. Алдыңызда — ұшақта отырып тәтті ұйқыға батуға қатысты алпауыт лайфхактар топтамасы.
Әлемнің түкпір-түкпіріне ұйқысы қанып, демалып ұшып келетін достарыңызға қызығасыз ба? Айналадағы адамдар мен тар креслоға назар аудармай қалай ұйықтап қалуға болатынын түсінбейсіз бе? Қысқасын қайырайық. Алдыңызда — ұшақта отырып тәтті ұйқыға батуға қатысты алпауыт лайфхактар топтамасы.
Ұшақта отырып ұйықтауға жайғаспас бұрын әдеттегі кешкі жораларыңызды жасауды ұмытпаңыз: тіс тазалап, кітап оқып, сүйікті жұмсақ ойыншығыңызды құшақтап алыңыз.
Тағы бір жақсы нұсқа — сәнге айналған ASMR. Автономды сенсорлық меридионалды әсер арқылы көру немесе есту триггерлері босаңсуға көмектеседі. Сыбырлаған бикештер, пакеттің сыбдыры, кітап беттері мен ұлыған жел дыбысы көп адамға тынышталып, ұйықтап кетуге көмектеседі.
Қалың шарф пен жемпірлерді жамылғы мен жастықтың орнына қолданыңыз. Оларды жамылып алуға да, мойын мен беліңіздің артына салып жатуға да болады.
Бастысы — тар киім кимеңіз, ол қан айналымына кедергі келтіреді (ал бұл тіпті болашақта түрлі салдарға әкеліп соғуы мүмкін).
Көптеген жолаушы аяқ қоятын жері кең бірінші қатарға отырғысы келеді, оның үстіне мұнда турбуленттілік қатты сезілмейді. Бірақ онда әдетті кішкентай баласы бар ата-аналар отырады, ол бұл жолаушылар кез келгенді жанды оятып жібере алады. Тыныштық керек болса онда отырмассыз.
Ең шеткі орынға жайғассаңыз, сіз үнемі тұрғыза беруі мүмкін, тіпті бірнеше рет сусын сүйрейтін арбада тиіп кетер. Егер сол жерде отырып, ұйықтауға дәмелі болсаңыз, жамылғаны жамылып алыңыз да, тұруға зауқыңыз жоқ екенін көрсетіңіз, аяғыңызды да өтетін жерден аулақ ұстаған жөн.
Ұйықтауға ең ыңғайсыз орын — танымайтын екі адамның ортасында қалу. Бірақ сонда да жайлы жағдай жасауға тырысып көруге болады: мысалы, бетіңізді жеңіл шарфпен бүркеп (тыныс алуға ыңғайлы болатындай), басқалардан тығылып қалғандай болыңыз.
Егер артта аяғы тым ұзын адам, жеке кеңістігіне қол сұғуға рұқсат етпейтін бикеш немесе соңғы қатарда отырғандықтын тіпті мүлдем ешкім жоқ болса, шыдамды болыңыз. Арқаңызға оралған жемпір, жастық немесе жамылғыны салып қойыңыз — осылайша шалқаймай отырсаңыз да, арқаңыздың қамын жасайсыз.
Тартпа-үстелдің үстіне жиде, жұмсақ сөмке немесе жастықты жайғастырып, басыңызды қойып отыруға болады.
Артқа шалқайып, аяғыңызды алға қарай барынша созуға болады.
Ұшу кезіндегі ең пайдалы зат — U секілді жастық. Оның арқасында отырып ұйықтау деген шытырман оқиғаны мойныңыз жеңіл бастан кешеді. Мегалайфхак: ашылатын тұсын артқа жіберіп, үрілген тұсына иегіңізді қойып отырыңыз. Қасыңызда отырған не ойласа да бәрібір — сіздікі дұрыс. Осының арқасында басыңыз төмен түскеннен не мойыныңыз талып қалғаннан оянып кетпейсіз.
Егер ұшақта бос орын болса, ауысып отыруға болатын-болмайтынын жолсеріктен сұрап біліңіз. Екі креслоға отырып ұйықтау әлдеқайда оңай.
Шынтақша мен аяғыңызды қойып отыруға болатын қолжүгі — сіздің көмекшілеріңіз. Если дене мүшелерін бірдеңеге сүйеп отырсаңыз, биіктікте түсетін салмақ та азаяды. Бұған қоса, тізеңіздің астына жастық қойып отыруға болады. Шұғыл шығу есігінің қасына отырғызды ма? Құтты болсын, ұшақ ұтысын жеңіп алдыңыз. Ол жерде аяқ қоятын жер кең, демек қан айналымы да жақсы болады.
Арқаныңызды бірдеңе сүйеп отырмасаңыз, алға қарап қисаймаңыз. Бұлай ұйықтау — омыртқааралық диск үшін пайдалы емес.
Ішімдіктен (ол сусыздандырады және бас ауруы мен қатты шөлдеудің себепкері), майлы тамақтан (жүрекке түсетін қысымды көбейтеді, ұшу кезінде сақ болу керек), көп тамақ жеп қоюдан және кока-коладан (сол баяғы кофеин ) аулақ болыңыз.
Айтқынымыз келгені: белдікті шешпеңіз. Тіпті оны тағып отырғаныңыз көрініп тұрсыз (мысалы, жамылғының үстінен тағып алыңыз), сонда сізге ешкім тиіспейді.
Ескертпе
Көршіңіздің сөйлескісі келгеніне алданып қалмаңыз, әсіресе әңгімені бірінші бастамаңыз. Егер ол сыныптасының екінші немере ағасының сүйікті пуделі туралы оқиғаның жай-жапсарын айтып бермейінше тынышталмайтын саяхатшылардың бірі болса, бәріне де шыдау керек болды. Ұйықтауды армандамай-ақ қойыңыз.
Нонконформист болыңыз және адам аз ұшады-ау деген күндерді таңдаңыз. Сейсенбі кні жұмаға қарағанда жартылай бос ұшаққа отыру ықтималдығы әлдеқайда жоғары.
Ароматерапияны ұйымдастырыңыз. Сіздің сүйікті иіссуларыңыз, жастықтағы лаванда майы жақсы демалып, тағамның немесе басқа кез келген нәрсенің иісінен тітіркенуді тоқтатуға көмектеседі.
Жаныңызда жолсерікке арналған оятудың қажеті жоқ деген белгі бар екеніне көз жеткізіңіз. Көршіңізге өтініш айта аласыз, әрине, бірақ қағазға «Do not disturb» немесе «Don’t wake me up» сияқты әдемі сөз жазып, тауық пен балық арасындағы экзистенциалды таңдау әсерінен ұйқыңыз үзілмейтін болады.
Егер сіз қобалжайтын болсаңыз, тынышталуға бағытталған жөн-жорадан бас тартпаңыз. Біреулер ұшақта шоколад жеуі керек, ал басқаларының биікке көтерілу кезінде үш тәтті кәмпиттен кейін ғана жаны жай табады. Тынышталып, босаңсыған кезде ұйықтап кету де оңайырақ.
Ұйықтатын дәрі ішкен дұрыс па?
Әдетте ішпейтін болсаңыз және реакцияңыз қандай екенін білмесеңіз, ішпеген дұрыс. Биіктікте қысым құйқылжып тұратынының әсерінен құлағы ауыратын жандарға да ондай дәріні ішпеу керек.
Кейде балама тәсіл ретінде адамдар мелатонин ішіп жатады. Кейбіреулері тіпті аллергияға қарсы дәріні жұтып жібереді («ұйқы келтірмейді» деген жазуы барын ғана). Бірақ дәрігердің кеңесінсіз ештеңе ішпеген жөн. Аксиома ғой.
Ұшақтағы ұйқы қаншаға созылады?
Әрине, бұл тақырыпқа тағы бір үлкен мақала жазсақ болар еді, бірақ ұйықтаудың бір фазасы бір жарым сағат созылады деп құтылайық. Тым болмаса 90 минут ұйықтап алсаңыз, жағдайыңыз жақсарып, әжіміңіз жайылып, тырнағыңыз бен тісіңіз жарқырай түседі. Одан да көп ұйықтай алсаңыз (ұзақ ұшу керек болғанда, мысалы, Алтант мұхиты арқылы ұшқан кезде басқа бітірер шаруа да болмайды), сізге жететін ешкім жоқ деген сөз.
