Тоңып қалмас үшін қыста Астанада не істеуге болады

Кірпікті қырау басып, тротуарлар мұзайдынына айналса, қош келдіңіз — сіз Қазақстанның елордасындасыз. Тоңып қалмас үшін бүкіл отбасыға арналған ойын-сауық тізімін жасап қойдық.

Коньки тебу

Астанада әрбір адам өзін «Легенда номер 17» фильмінің кейіпкері сезіне алады, тіпті қолыңыздан келетіні жай ғана мұз бетінде тұру болса да. Мұзайдыны қаланың түкпір-түкпірінде пайда болуы мүмкін, бірақ қала тұрғындарына ең үйреншіктісі — EXPO маңындағы мұзайдыны. Қызып жатқан өмір мен ыстық кофеден алшақтамай-ақ өзін ертегіге тап болғандай сезінгісі келетіндер үшін тамаша нұсқа. Бірақ өзіңізді күтіңіз, өйткені «Аяз болса да күн шығып тұр — керемет!» деген мен «Ойбай, бетім үсіп қалды!»‎ дегеннің арасы алыс емес. Сондықтан, дер уақытында Mega Silk Way-ге келіп ыстық шоколадтан дәм татып немесе Zebra coffee-нің тара қосылған кофесін ішіп, жылынып, әрі қарай қызықтай беріңіз.
Бағасы: конькиді жалға алу — шамамен 2 000–3 000 теңге, сырғанап болған кейін жейтін тәттілер де бар. Ал егер өз конькиіңіз болса, тегін сырғанай аласыз.

Шынымен, сыртта коньки тебуге зауқы соқпайтын жандар үшін «Алау» жабық мұзайдыны бар. Кіру үшін шамамен 2 000 төлейсің, ал конькиді жалға алуға болады. Тағы бір нұсқа — әрине, Бурабай. Көлікпен шықсаңыз шамамен үш сағатта жетесіз (шамамен 260 км), баспана жалдау мәселесі әртүрлі: бір түнге 10 000 теңгеден басталады. Мысалы, Шортанды көлінен жүз метрдей жерде орналасқан жайлы «Дом у Озера» қонақ үйі бар (бір нөмір 80 000 теңгеден басталады).

Қаладан шықпай-ақ қысқы лагерьге жол тарту

Елестетіп көріңізші: сыртта –20 °C, ал сіз ошақ жағып, достарыңыздың немесе отбасыңыздың айналасында таяқшаға маршмэллоу тізіп демалып отырсыз. Түтіннің иісі, дәмді зефир және саптыаяққа құйлған ыстық шоколад (немесе глинтвейн) — қала ішіндегі қысқы кемпингтің нағыз романтикасы.

Астананың Орталық паркінде орналасқан Esil Camp лагерінде жиі түрлі ойындар мен конкурстар ұйымдастырылады, ал төңіректе жылы киіз үйлер бар. Бұл фотосессияға арналған таптырмас орын, үйде көрпінің астында жатқандар міндетті түрде аязға қарамай «хюгге» стилінде түскен суреттеріңізге аямай лайк басатыны сөзсіз.

Бағасы: ересектерге — 2 000 теңге, балаларға — 1 500 теңге, тамақ пен сусынға да кететін шығын бар.

Тентхаус жалдап, ормандағы тыныштық пен таза ауадан ләззат алу

«Лес и звезды» глэмпингі Степняк маңайындағы Жүкей ауылының қасындағы қарағай орманының ішінде орналасқан — бұл жайлылықтан бас тартпай, қысқы ертегіге тап болудың тағы бір жолы. Мұнда тентхаустар мен кең көлемді терезелер орнатылған «сфералар» бар. Жылы көрпені жамылып алып, ыстық жай ішіп, жұлдызды аспанға қарап тамсануға немесе джакузиде демалуға болады. Тұнып тұрған эстетика ғой, бәрі әлеуметтік желідегідей: әдемі интерьер, сырттағы ошақ оты жайлылық пен тыныштық атмосферасын одан сайын күшейте түседі. Сән-салтанатты жақсы көретін жандар фин саунасы бар «А-frame шалесін» жалға ала алады. Жылулықтың мекені деп осыны айт!

Бағасы: жұмыс күндері 22 500 теңгеден, демалыс күндері — 50 000 теңгеден басталады.

Қала ішінде моншаға бару

«Теньговка Этно» сақ моншасы — дала халқының өткеніне апаратын портал, бірақ заманауи жайлылық пен бушы да қатар жүреді. Моншаға құмар жандар үшін бес сағатқа созылатын бағдарлама бар, бұл қарапайым моншадағы ойын-сауық емес, нағыз мәдени саяхат. Сізді ережесі қатал жөн-жоралар күтіп тұр: бассейнге тек төртінші мәртеден кейін баруға болады, ал екіншісі мен үшіншісінің арасында ыстық сорпа ішу керек. Бұл жай ғана «жылынып алу» үшін емес, бағдарламаның міндетті бөлігі, өйткені астаналықтар үшін монша — сүйікті әрі маңызды жер.

Міне, айнала аппақ қар, табиғаттың тыныштығы жанға дауа, шөптен жасалған шай ішіп, жан-жаққа қарап тамсанып отырсыз. Қарныңыз ашып қалса, моншаның қасындағы киіз үйге барып, сірнеден дәм татуға болады — қазақа әндер мен сақ батырлары туралы аңыздарды естіп отырып қарын тойдырғанға не жетсін?

Бағасы: 10 адамға деген моншалық бағдарламаның бағасы жұмыс күндері 220 мың теңгеден, демалыс күндері — 250 мың теңгеден басталады.

Мұзқалада жасырынбақ ойнау

Жыл сайын қыста қаланың бірнеше аймағында мұзқалалар тұрғызылады: үнемі — ғарыш EXPO аумағында, жиі — Хан Шатыр маңыда, анда-санда — оң жақ жағалаудың бойында. Оларды –20 °C аязда қалай тұрғызатын — астаналықтар үшін жұмбақ. Бірақ бірнәрсе аян: мұзқала — мүсіншілер мұз бен судың көмегімен жасайтын нағыз қысқы ертегінің белгісі. Алматыдағы достарыңызға мұздан жасалған аю, қамал және «темір тақты» көрсетіп, таңғалдырыңыз келсе, міндетті түрде суретке түсуіді ұмытпаңыз.

Мұзқалалардан бөлек, қала ішінде түрлі көлемдегі төбешіктерді де тұрғызады. Ең биік әрі ең қызықтары Ailand-парк аумағында және Пирамиданың қасындағы көпірдің астында. Онсызда тегін сауықты өзіңізбен бірге «тюбингті» ала шығып, омыртқаңыздың беріктігін тексеріп, қызыққа батуға болады.

Бағасы: мұзқалалаға кіру тегін.