Жапонияға туристік визаны қалай алуға болады?
Шынына келсек, күншығыс еліне виза алу қиын емес, бірақ та визаға арналған қажетті құжаттарды тапсыратын кезде өте мұқият болу керек.
Қазақстан азаматтарына (әлемнің басқа елдерінің басым көпшілігінің азаматтары сияқты) Жапонияға виза алу керек. Туризм немесе оқу, бизнес, мәдени алмасу, спорт, туыстар мен достарға бару – виза әрдайым қажет. Бұл мақалада біз сізге туристік визаны қалай алуға болатынын айтамыз.
Жапонияға кіру үшін туристік визалардың қандай түрлері бар
Қазақстандықтар Жапонияға бір реттік виза ала алады, ол елге 15 немесе 30 күнге бір рет қана кіруге мүмкіндік береді. Мұндай виза берілген күннен бастап үш айға дейін жарамды.
Жапонияға виза алу үшін қандай құжаттар қажет
Жапонияға саяхаттау үшін визаларды Қазақстанда тек Астана қаласындағы елшілікке барып, өтініш тапсыру арқылы ала аласыз. Ең жағамды тұсы, бұл визаға өтініш тапсыру тегін және шенген визасындағыдай елшілік төлем (консульский сбор) деген жоқ.
Елшілік жұмыс күндері ашық, құжаттарды таңертеңгі сағат 09:30-дан 12:00-ге дейін тапсыруға болады. Алдын ала тіркелудің қажеті жоқ, кезек боыйнша тапсыра бересіз.
Қажет құжаттар | Сипаттама | Кеңестер |
|---|---|---|
Төлқұжат | Cапар уақытында жарамды болуы керек | Төлқұжатты мұқабалардан және басқа бөгде заттардан босатыңыз. |
Төлқұжат көшірмесі | Көшірмесі ксерокөшірмеден өткізілген болуы керек. | Egov немесе банк қолданбасынан алынған көшірме жарамайды. |
Визалық сауалнама | Сауалнама ағылшын немесе жапон тілінде толтырылады. Сауалнаманы толтырғаннан кейін 35x45 см (назар аударыңыз, 30х40 см емес) фотосуретін сауалнамаға желімдеу керек. | Толтыру барысында, бос орындарды қалдырмаңыз: оның орнына «no» деп жазыңыз немесе «–» сызығын қойыңыз. Егер басқа біреу сіздің атыңыздан құжаттарды тапсырса, визалық сауалнаманы міндетті түрде өзіңіз толтырған жөн.
|
Сапарға ақы төлеу мүмкіндігін растайтын құжат | Банктан шоттың жай-күйі туралы анықтама немесе лауазымы мен жалақысы көрсетілген жұмысқа орналасу туралы анықтама. Елшілік нақты қажетті сома бойынша ұсынымдар бермейді, сондықтан шығындарыңызды алдын ала жоспарлаңыз. | Отбасымен саяхаттаушылар үшін: балаңыздың (балалардың) туу туралы куәлігінің көшірмесін және неке туралы куәлігіңіздің көшірмесін алып келіңіз. |
Жапонияда болу бағдарламасы | Бұл бағдарламаны толтыру бланкісі. Ағылшын немесе жапон тілдерінде толтырылады. Жоспарланған Жапонияға кіру және шығу күні, сондай-ақ рейс нөмірі, рейстің атауы, қонақ үй мекенжайы және телефондары белгілеу керек. | Мүмкіндігінше сапар жоспарын егжей-тегжейлі сипаттаңыз (күн сайын жеке көрсетіңіз). Барлық қажетті мәліметтерді жазыңыз, бірақ тым беріліп кетпеңіз, қажеті жоқ ақпаратты қоспаған жөн. Елшілік басқа құжаттарды талап етсе немесе ақпарат жеткіліксіз болса, сізге хабарласады. |
Барып-қайтатын брондалған ұшақ билеттері | Әрине, оларды Aviasales.kz-тен іздеңіз. | |
Брондалған қонақ үй (немесе басқа тұрғын үйді растайтын құжаттар) | Booking.com немесе Airbnb сайтынан брондау растамасын бере аласыз. | - |
Сенімхат (сенім білдірілген тұлға арқылы берілген жағдайда) | Егер басқа біреу сіздің атыңыздан құжаттарды тапсырса, сіз міндетті түрде сенімхат жазу керекcіз. | Егер сол адам құжаттарды тапсырып қана қоймай, оларды алып кететін болса, бұны сенiмхатта белгілеңіз. |
Төлқұжат
Сипаттама
Cапар уақытында жарамды болуы керек
Кеңестер
Төлқұжатты мұқабалардан және басқа бөгде заттардан босатыңыз.
Төлқұжат көшірмесі
Сипаттама
Көшірмесі ксерокөшірмеден өткізілген болуы керек.
Кеңестер
Egov немесе банк қолданбасынан алынған көшірме жарамайды.
Визалық сауалнама
Сипаттама
Сауалнама ағылшын немесе жапон тілінде толтырылады. Сауалнаманы толтырғаннан кейін 35x45 см (назар аударыңыз, 30х40 см емес) фотосуретін сауалнамаға желімдеу керек.
Сауалнаманың толтырылған нұсқасы осы жерде.
Кеңестер
Толтыру барысында, бос орындарды қалдырмаңыз: оның орнына «no» деп жазыңыз немесе «–» сызығын қойыңыз.
Егер басқа біреу сіздің атыңыздан құжаттарды тапсырса, визалық сауалнаманы міндетті түрде өзіңіз толтырған жөн.
Сауалнамадағы қолтаңбаңыз төлқұжатыңыздағыдай болуы керек.
Сапарға ақы төлеу мүмкіндігін растайтын құжат
Сипаттама
Банктан шоттың жай-күйі туралы анықтама немесе лауазымы мен жалақысы көрсетілген жұмысқа орналасу туралы анықтама.
Елшілік нақты қажетті сома бойынша ұсынымдар бермейді, сондықтан шығындарыңызды алдын ала жоспарлаңыз.
Кеңестер
Отбасымен саяхаттаушылар үшін: балаңыздың (балалардың) туу туралы куәлігінің көшірмесін және неке туралы куәлігіңіздің көшірмесін алып келіңіз.
Жапонияда болу бағдарламасы
Сипаттама
Бұл бағдарламаны толтыру бланкісі. Ағылшын немесе жапон тілдерінде толтырылады.
Жоспарланған Жапонияға кіру және шығу күні, сондай-ақ рейс нөмірі, рейстің атауы, қонақ үй мекенжайы және телефондары белгілеу керек.
Кеңестер
Мүмкіндігінше сапар жоспарын егжей-тегжейлі сипаттаңыз (күн сайын жеке көрсетіңіз). Барлық қажетті мәліметтерді жазыңыз, бірақ тым беріліп кетпеңіз, қажеті жоқ ақпаратты қоспаған жөн.
Елшілік басқа құжаттарды талап етсе немесе ақпарат жеткіліксіз болса, сізге хабарласады.
Барып-қайтатын брондалған ұшақ билеттері
Брондалған қонақ үй (немесе басқа тұрғын үйді растайтын құжаттар)
Сипаттама
Booking.com немесе Airbnb сайтынан брондау растамасын бере аласыз.
Кеңестер
-
Сенімхат (сенім білдірілген тұлға арқылы берілген жағдайда)
Сипаттама
Егер басқа біреу сіздің атыңыздан құжаттарды тапсырса, сіз міндетті түрде сенімхат жазу керекcіз.
Кеңестер
Егер сол адам құжаттарды тапсырып қана қоймай, оларды алып кететін болса, бұны сенiмхатта белгілеңіз.
Қайталап өтейік, елшілікке алдын ала жазылудың қажеті жоқ, визаға құжат тапсыру үшін кезек бойынша кіргізеді. Толық ақпарат елшілік сайтында бар.
Жапония визасы қанша уақытта дайын болады
Шамамен бес жұмыс күні аралығында сіздің өтінішіңізді қарастырып, нақты жауабын айтады. Сонымен қатар, тәжірибелі саяхатшылар құжаттарды кем дегенде екі апта, тіпті бір ай немесе одан да ерте уақытта тапсыруға кеңес береді. Өйткені елшілік тағы да нақтылауды немесе қосымша басқа құжаттарды әкелуді сұрап қалуы әбден мүмкін. Шұғыл түрде визаға құжат тапсырып, оны дәл кетер алдында күтіп отырған дұрыс болмас.
Елшілік сізге неліктен визаны бермеуі мүмкін?
Жапонияға виза алмауыңыздың бірнеше себебі бар. Олардың қатарына:
- сіздің өтінішіңізде кейбір құжаттар жетіспейді;
- сіз сауалнаманы толтыру кезінде қате жібердіңіз;
- сіз әдейі жалған құжаттарды бердіңіз;
- сіз бұған дейін Жапонияға барып, елде заң бұзған едіңіз.
Құжаттарды қайтадан визаға қашан тапсыруға болады
Құжаттарды виза бермеген күннен кейін алты ай өткеннен кейін ғана қайта тапсыруға болады.
