Ауысып мінуге ұзақ уақыт күтетін кезде не істеуге болады
Бар уақытты қалай барынша тиімді өткізуге болатынын айтып береміз.
Әдетте ауысып міну уақыты қаншалық ұзақ болса, билетте соншалыұ арзан болады. Егер қалай уақыт өткізетініңізді білмесеңіз, келесі рейсті күтем дегенше әбден шаршап қаларсыз. Бар уақытты қалай барынша тиімді өткізуге болатынын айтып береміз.
Қанша уақыт ішінде ауысып міну ұзақ болып саналады
Рейстеріңіздің арасында 1-3 сағат уақыт болса, бұл — жүйкеңізді жұқартпай-ақ келесі ұшаққа отыруға болатын қысқа уақыт арасындағы ауысып міну. Жүрек жалғап алуға да үлгересіз, бірақ көп уақыт жоғалтпауға кеңес береміз, әсіресе әуежай үлкен болса — паспорт бақылауында адам қаншалық көп болатынын және сіз қай есік арқылы ұшаққа қарай өтетініңізді алдын ала болжау қиын.
3-5 сағатқа созылатын ауысып міну — орташасы. Мұндайда қаланы көріп қайтамын деп талпынудың қажеті жоқ (Ригадағыдай әуежай қаланың дәл қасында орналаспаса) — қайтып келуге үлгермей қалуыңыз әбден мүмкін. Бірақ әуежайда не бар-не жоғын қарап, жақсылап демалып алуға болады.
6 сағаттан көп уақыт алатын ауысып міну — ұзағы. Қалаға барып, тіпті (мүмкін) қысқа ғана экскурсияға барып үлгерерсіз. Ал егер түңгі уақыт болса, онда???
Егер ауысып мінуден қашып құтыла алмайтын болсаңыз (тағы бір қаланы көріп шығуға қарсы болмасаңыз), ұзақ уақытқа созылатын ауысып мінуді таңдаған жөн — танымал жерлерді қарап шығуға уақыт жетсін.
Ауысып мінбес бұрын және одан кейін не істеу керек
Қалаға кіру үшін виза (қандай виза екенін де) керек пе, жоқ па тексеріп алыңыз
Егер сіз Шенген еліне басқа бір Шенген елі арқылы (немесе тіпті виза талап етпейтін елге) ұшатын болсаңыз, қалаға еш кедергісіз кіргізеді — тіпті транзиттік виза жасатудың қажеті жоқ. Бірақ қиын жағдайлар да болады — мысалы, АҚШ-та ауысып міну үшін, әуежайдан шықпайтын болсаңыз да, виза керек болады, ал басқа елдер арнайы транзиттік виза талап етеді. Сондықтан заң бұзбас үшін (немесе ойламаған жерден кері қайтып кетпеу үшін) бұндай мәселенің бәрін сенімді жерден нақтылап алған дұрыс (мысалы, консулдықтан).
Қай әуежай және терминалдан ұшып шығатыныңызды тексеріп алыңыз
Ірі қалалардың бірнеше әуежайы болуы мүмкін — Парижде үшеу, ал Лондонда тіпті бесеу. Билет сатып алып жатқанжа ұшып келетін және ұшып кететін әуежайларды нақтылап алған дұрыс. Әйтпесе жайбарақат экскурсия мен дәмді кешкі астың орнына жан ұшырып жолға шығасыз — бәрі қажет әуежайға үлгеру үшін.
Багажыңызды алып, келесі рейске тіркелу керек-керек еместігін әуе компаниясынан біліп алыңыз
Ірі әуе компанияларыңыз ауысып мінетін рейстері «ортақ» билет бойынша ұшады — бірінші рейске тіркелген кезде сізде бірден қалған рейстерге де тіркеп, багажды бір ұшақтан екіншісіне өздері салып береді.
Бірақ лоукостерлер жиі әр ұшуды бөлек санайды — сондықтан сізге әр рейске тіркеліп, өзіңіз багажды алып, ауысып міну кезінде кері өткізу керек болады. Бір альянсқа жатпайтын түрлі әуе компанияларынан тұратын жиынтық рейс кезінде де осылай істеу қажет.
Қайтадан тіркеуден өтіп, багажды кері тапсырыс керек-керек еместігін алдын ала әуе компаниясынан сұрап-біліп алыңыз. Бұл уақытыңызды дұрыс жоспарлап, күтпеген кезекке тап болып, рейске кешігіп қалудан сақтайды.
Ауысып міну кезінде заттарыңызды қайда қоятыныңызды ойластырып алыңыз
Бірнеше сағат бойы сөмкеңіз бен чемоданды анда-мында тасып жүргенде көңіл-күйіңіздің бұзылатынын ғалымдар баяғыда дәлелдеп қойған. Сондықтан алдын ала мына нәрселерді біліп алыңыз:
Әуежайда қойма бар-жоғын;
Жұмыс уақыты қандай екенін;
Бағасын;
Сіз ұшатын терминалдан қаншалық қашық екенін.
Егер қойма сізге барлық жағынан ыңғайлы болса, уайымсыз заттарыңызды сонда тастап кетіңіз — бұл өміріңізді жеңілдететіні сөзсіз. Әуежайдан шықпайтын болсаңыз да, заттарыңызды қоймаға қоюға кеңес береміз — егер ұйықтап кетсеңіз немесе дүкендердің бірінде қызыққа кіріп кетсеңіз оларды ешкім ұрлап кетпейді.
Әуе компаниясының қандай ұсыныс бар екенін біліп алыңыз
Ұзаққа созылатын түнгі ауысып міну кезінде көптеген әуе компаниясы сізге қонақ үй ұсынуы мүмкін (егер күндіз болса, лаунж бен тамақ). Әдетте әуе компанисының өкілдері бұл туралы тіке айтпайды, бірақ әрдайым сұрастырып, қосымша қызметтің рақатын көруге болады.
Қандай әуе компаниялары ұзақ ауысып міну кезінде қонақ үй ұсынады:
Air Astana Астана және Алматы әуежайында — 10 сағаттан көп күту керек болса.
Turkish Airlines Ыстанбұл әуежайында — 20 сағаттан көп күту керек болса.
Qatar Airways Доха әуежайында — 8-24 сағат арасында күту керек болса және одан ерте ұшатын рейс жоқ болса.
Emirates Дубай әуежайында — 10-24 сағат арасында күту керек болса және одан ерте ұшатын рейс жоқ болса.
Royal Air Maroc Касабланка әуежайында — түнгі рейс кезінде 8 сағаттан көп күту керек болса (егер ауысып мінуге 4-8 сағат уақыт кетсе, сізді лаунжа кіргізіп, тамақтандырады)
Air Canada Монреаль, Торонто және Ванкуверде — Latitude, Premium Economy және Business класстары үшін 6 сағаттан көп күту керек болса.
Gulf Air Бахрейнде — J, C, D, Y, H, M, L брондау класы үшін және 7-24 сағат арасында күту керек болса.
Тегін қонақ үй берілмеген күннің өзінде қонақ үйге жеңілдік алуға немесе азғантай ақшаға «ауысып міну пакетін» сатып алуға болады. Сондықтан ұшар алдында әуе компаниясының сайтын мұқият оқып шығып, сұрақ қоюға қорықпаңыз.
Ұйқыңызды қандырып алыңыз
Айтпақшы, ұйықтап алу жайлы. Әуе компаниясынан қонақ үй талап ету немесе өзіңіз төлеп кіру міндетті емес. Көптеген әуежайда жайлы жайғасып, салыстырмалы түрде ыңғайлы жерде түнеп шығуға болады.
Тіпті мүлдем білмейтін әуежайдың ішінен орын табуға Sleeping In Airports сайты көмектеседі. Қажет әуежайдың атауын жазып, ең тыныш жердегі ең жұмсақ креслоны табуға көмектесетін басқа да жолаушылардың кеңесін аласыз.
Қаланы аралап келіңіз
Егер визаны қамын ойламасаңыз және уақытыңыз жеткілікті болса, әуежайдан шығуға қорықпаңыз. Қалада қысқаша экскурсияға тап болуыңыз мүмкін — ірі тасымалдаушылар транзиттік жолаушыларға арнап өздері де жиі экскурсия ұйымдастырып тұрады. Мысалы, Qatar Airways-тың Дохада, Turkish Airlines-тың Ыстанбұлда экскурсия өткізетіні бар. Немесе мынадай сөз тіркесі арқылы өзіңіз-ақ экскурсия іздеп көріңіз: «қала атауы+1h guided tour».
Жолға кететін уақыт пен паспорт бақылауынан өтетін уақытты молынан есептеңіз — қалаға жетуге бір сағат, кері қайту үшін кем дегенде бір жарым сағат бөліп қойған дұрыс. Билетте жазылған ұшу уақытына қарай әуежайға келемін деп ойламаңыз — ертерек келген жөн.
Әуежайды аралап шығыңыз
Визаңыз жоқ болса, қалаға шығу міндетті емес — әуежайдың өзінде де қызық көп болуы мүмкін. Кем дегенде әуежайдан ондаған дүкен бар — сондықтан магнитик пен шоколадсыз қалмайсыз.
Үлкен әуежайларда басқа да ермек табылады. Сан-Францискода йогамен шұғылдануға, Мюнхенде гольф ойнауға, Дубай мен Сингапурда тіпті бассейнде жүзуге болады (қол жүгіңізде шомылатын киіміңіз болса, әрине). Белсенді түрде уақыт өткізуге дайын болмасаңыз, спаға барсаңыз болады — ондай орындар Лондондағы Хитроуда, Амстердам және Дубайда да бар. Тіпті болмаса әуежайдағы арт-объектілер туралы ақпарат іздеп көріңіз — жергілікті өнермен танысу үшін музейге бару шарт емес.
