Неліктен сізге виза бермеуі мүмкін және ондай жағдайда не істеуге болады
Виза бермей қалатын жағдайдың қалай алдын алуға болатынын және ондай жағдайда не істеу керек екенін айтып береміз.
Виза берілмеген күннің өзінде өмір тоқтап қалмаса да, аса жағымды емес екенін сөзсіз. Оның үстіне бұл демалыс жоспарын бұзып, әрі қарай саяхаттауға кедергі келтіруі де мүмкін. Виза бермей қалатын жағдайдың қалай алдын алуға болатынын және ондай жағдайда не істеу керек екенін айтып береміз.
Бәрі оңай — сіз баратын ел консулдығының сайтында толық әрі нақты құжаттар тізімі болады. Покемондарды жинағандай (яғни, бәрін) құжаттарды да жинап, виза үшін толтыратын сауалнамамен бірге алып келесіз. Медициналық сақтандыру туралы да ұмытпаңыз — көптеген ел оның қолданыс мерзімі жол жүретін уақыттан бастап емес, визаға құжат тапсыратын кезден басталғанын қалайды.
Сауалнамаға қосымша құжаттарды да тіркеуге болады (мысалы, сұрамасада қонақ үйдің бронын салыңыз), бірақ тізімді қысқартуға кеңес бермес едік. Барлық соған бола бірден виза бермей қалмауы мүмкін, әрине — кейбірі жетпей қалған құжаттарды жинауға тағы уақыт беріп жатады. Бірақ ондай тәуекелге бармаған жөн.
Виза алуға не кедергі болуы мүмкін?
Кейбір елдер (Ұлыбритания секілді) нақты ақпаратты қажет етеді: шотқа ақшаның қалай келіп түскені мен бірнеше ай арасындағы ақша айналымы туралы толық ақпараттан бастап, жалақаңыз көрсетілген жұмыс орны беретін анықтамаға дейін. Егер консулдық қызметкерлері шоттағы ақшаның жетпейді деп шешсе, виза бермей қояды. Сондықтан талаптары қатал елге сапарға алдын ала дайындалу керек: бірнеше ай бұрын қажет соманы жинай бастап, ол ақшаға тіспеген жөн — осылайша консулдық қызметкерлері саяхатқа шығатын ақшаңыз бар екенін көреді.
Күйеуге шықпаған қыздарға жіті назар аударады — олардың әрқайысы «күйеу іздеуге» шықты деп ойлап, жиі виза бермей жатады. Мұндай жағдайда өзіңіздің қандай мықты әрі тәуелсіз екеніңізді және шетелдік күйеуге мұқтаж емес екеніңізді дәлелдеп беруіңіз керек.
Елдер ашық түрде жауласпаса да, арасындағы шиеленіс виза алу-алмауыңызға әсер етуі мүмкін. Егер сіз мұсылман елдеріне жиі баратын болсаңыз (әсіресе олар ең үйреншікті туристік бағыт болмаса), АҚШ визасы бойынша сұхбат кезінде неліктен барғаныңызды айтуға дайын болыңыз.
Сондай-ақ виза ережелерін қаншалықты мұқият сақтағаныңыз ескеріледі: сіз қай елге бірінші кіргеніңіз және рұқсат етілген уақыттан асып кетпегеніңізді назарға алады. Ұзақ мерзімге берілген көп мәртелік визаңыз болса да, шектеулер жоқ емес: мысалы, жарты жылдық Шенген визасымен сіз толық 6 ай емес, бір барғанда 90 күннен аспайтын уақыт аралығында сапар жасай аласыз. Егер сенімді болмасаңыз, төлқұжатыңыздағы мөрлер бойынша күндерді санап, қажет мерзімді сақтауға тырысыңыз. Есіңізде болсын, егер сіз түнгі рейспен ұшатын болсаңыз, мөр түн ортасынан кейін қойылуы мүмкін, бұл сіздің елде жүріп-тұруыңызға тағы бір күн қосылатынын білдіреді, ал бұл өз кезегінде маңызды болуы мүмкін.
Бұл жағдайда ел «сенімсіз» адамды кіргізіп, тәуекел еткісі келмейді және сіздің басқа визалардың ережелері мен талаптарын қалай орындайтыныңызды көргісі келеді. Егер бәрі жақсы болса, бір-екі жылдан кейін сіз де виза ала аласыз.
Агенттік арқылы виза алу сенімдірек деген рас па?
Консулдық, виза орталығы және виза агенттігінің үшеуі де әртүрлі ұйым екенін білу маңызды. Консулдық — виза беретін елдің ресми өкілдігі. Консулдық қызметкерлерінің саны шектеулі, сондықтан сізді оңай қабылдамауы мүмкін — дегенмен бұл жағдайда сіз тек виза алымын төлейсіз. Бұл виза алудың ең үнемді жолы.
Виза орталығы — консулдықта аккредиттелген, өтініштерді қабылдауға, саусақ іздерін алуға және виза мәселелері бойынша кеңес беруге құқығы бар ұйым. Дегенмен, барлық құжат міндетті түрде консулдыққа кетеді. Виза орталығында әдетте қызметкерлер соны көбірек, сондықтан өтінішіңізді орталық арқылы жіберу әлдеқайда тез болады. Бірақ қызметі үшін қосымша ақы төлеуге тура келеді.
Агенттік сізге сауалнаманы қалай толтыру керектігін, қандай құжаттарды тіркеу керек екенін, тіпті түсетін суретіңіз туралы да егжей-тегжейлі айтып береді. Қызмет үшін одан да көп ақша төлейсіз (бөлек төленетін визалық алым туралы да ұмытпаңыз). Бірақ кейбір елдердің визасын алу үшін құжаттар мен биометрияны өзіңіз тапсырып, сұхбаттасу үшін консулдыққа бару керек.
Агенттік қызметкерлері бірталай адамға виза алуға көмектесті, сондықтан олар шотта қандай сома болуы керектігін және сауалнаманың толтыру кезінде үтір-нүктесіне дейін тексеріп береді. Дегенмен олар сіз міндетті түрде виза алатыныңызға кепілдік бере алмайды — бәріміз де адамбыз, тіпті мінсіз толтырылған сауалнама иесі де консулдық өкіліне жақпай қалуы мүмкін.
Сауалнаманы өзіңіз толтырсаңыз да болады, бұл қатты қиын емес. Біріншіден, әдетте консулдық сайтында сауалнаманың әрбір абзацында не және қалай жазу керектігі туралы егжей-тегжейлі нұсқаулар бар. Екіншіден, туристік форумдардан түсіндірмелерді табу оңай, олар көбінесе агенттік қызметкерлеріне қарағанда әлдеқайда пайдалы (және бұл тегін)!
Виза бермесе не істеу керек
Не себепті берілмегенін және «карантиннің» ұзақтығын нақтылау үшін консулдыққа қоңырау шалыңыз немесе хат жазыңыз, мәселе шешілмей жаңа виза алуға тырысудың пайдасы жоқ.
Карантин бірнеше аптадан мыңжылдықтарға созылуы мүмкін — бірақ соңғы нұсқа өте сирек кездеседі, ондайға жету үшін құжат тапсырғанда немесе бұған дейін сапарлар кезінде бірдеңені оңдырмай бүлдірген болуыңыз керек.
Неге виза бермегендерін білу арқылы ненің дұрыс емес екенін түсінесіз және келесіде қатеңізді түзей аласыз.
Егер сізге виза берілмесе, мөрден құтыламын деген үмітпен төлқұжатыңызды өзгертудің қажеті жоқ — консулдық қызметкерлері немесе шекарашылар барлығын өз дерекқорынан тексере алады.
Егер сізге виза бермеуге ешқандай негіз болмаса, онда сіз апелляцияға жүгіне аласыз — әдетте бұған бір ай уақыт кетеді (бірақ бұл ақпаратты консулдықтан нақтылған жөн). Шағымды қарастыруға бірнеше ай қажет болуы мүмкін екенін ұмытпаңыз және осы уақыт ішінде сіз жаңа визаға өтініш алмайтыныңызды біліп жүріңіз — әйтпесе шағымыңыздың күші жойылады. Ал апелляциялық шағым бойынша сізге қажет шешім шығарылатынына ешкім кепілдік бере алмайды.
Виза алу мүмкіндігін арттыру жолы (қысқаша ғана)
Құжаттар тізімін мұқият оқып шығып, барлық қажет қағазды жинаңыз.
Сауалнаманы өтіріксіз толтырыңыз және жалған құжаттарды пайдаланбаңыз.
Туған еліңізбен байланысыңыздың мықты екенін дәлелдейтін мүмкіндігінше көп мәлімет жинаңыз.
Бұрын барған елдеріңіз виза алатын елге жау емес екеніне көз жеткізу үшін ескі мөрлеріңіз бен визаларыңызды қарап шығыңыз.
Сапарға жеткілікті ақша жинаңыз.
Ел заңдарын бұзбаңыз және виза ережелерін қадағалаңыз.
Егер сіз «оңай берілмейтін» виза алуды жоспарласаңыз (мысалы, АҚШ немесе Ұлыбританияға), туристік форумдарды алдын ала шолып өтіп, бірнеше «қарапайым» виза алуға тырысыңыз.
