«Менің кэшбэгім» сервисінің жұмысы тоқтағаннан кейін кэшбэкті қалай шығарып алуға болады?
Егер кэшбэк сіздің профиліңізге түссе, оны сервис жұмысы тоқтаған күннен бастап 90 күн ішінде — яғни 2025 жылдың 1 шілдесіне дейін шығарып алу қажет. Бұл мерзімнен кейін жиналған кэшбэк жойылады.
Егер кэшбэк 1 шілдеге дейін шотыңызға түспесе, қолдау қызметіне жазыңыз — сізге міндетті түрде көмектесеміз!
Кэшбэк деген не
Бұл — сіздің сауда жасағаныңыз үшін және біздің серіктестер арқылы төлем жасағаныңыз үшін есептелетін ақша. Мысалы, «Менің кэшбэгім» бөлімі арқылы Booking.com қонақүйге бронь жасайтын болсаңыз, біз сізге оның құнының 5%‑ын қайтарып береміз. Міне, кэшбэк деген — сол.
Кэшбэк мерзімі біте ме?
Жоқ, біздің кэшбэктің мерзімі өтпейді, оны жинап, кез келген уақытта өз картаңызға аударып алып, қажетіңізге жаратыңыз.
Кэшбэктің максималды сомасы қанша?
Біз оны еш шектемейміз, оның сомасы сіз сатып алған тревел‑қызметтің санына ғана байланысты. Көп саяхаттап, бронь жасап, жалға алған сайын кэшбегіңіз де соғұрлым көп болады.
Кэшбэк қай кезде түседі?
Әдетте сіз қызметті алғаннан кейін бірнеше күннен кейін түседі. Анық‑қанығын білу үшін «Менің кэшбегім» бөліміндегі серіктестің карточкасындағы шарттарын оқып шығыңыз.
Алғаш кэшбэк статусы «Күтілуде» күйінде болады, бұл есептеу процесі жүріп жатыр дегенді білдіреді. Күйі «Дайынға» ауысқан кезде ақшаны картаға шығарып алуға болады.
Қанша кэшбегім барын қайдан көруге болады
«Менің кэшбегім» бөлімінің басты парақшасында үнемі жиналған кэшбэктің жалпы сомасы көрсетіледі, ал «Операциялар тарихы» бөлімінен әр сатып алған сайын қанша алғаныңызды көре аласыз.
Егер мен броньнан, қонақ үйден немесе турдан бас тартсам, кэшбэк қалай есептеледі
Әдетте біз сізге қызмет көрсетілгеннен кейін бірнеше күн өткен соң түсіреміз. Егер сіз қызметті қолданбасаңыз, онда сіздің шотыңызға кэшбэк түспейді.
Маған кэшбэк түспеді. Не істеуім керек?
Уайымдамаңыз. Бәлкім, тиісті уақыт өтпеген болар. Кейде сатып алу туралы хабарлама бірнеше минут пен бірнеше күн ішінде түседі. Сәл күте тұрған жөн болар.
Бәлкім, сіз серіктестің қызметін Aviasales арқылы емес, тікелей қолданған боларсыз немесе серіктестің карточкасында көрсетілген шарттың бәрін толық орындамаған шығарсыз, мұндай жағдайда кэшбэк түспейді.
Егер сіз бәрін дұрыс орындағаныңызға сенімді болсаңыз, бірақ кэшбэк әлі түспесе, онда бізге хабарласыңыз, анықтаймыз. Байланысу жолдарын төменде «Бізбен байланыс» бөлімінде қалдырдық.
Genius бағдарламасының қатысушылары үшін
Иә, Genius бағдарламасы бойынша жеңілдіктеріңізбен біздің 5% кэшбэк қосылады. Бірақ ол үшін «Менің кэшбэгім» бөліміне кіріп, қонақ үйіне бронь жасауыңыз тиіс.